KAWLRAM PO HMANH AH BOCHAN TAKTAK MI KAN PA LE PATHUM

Kan Pale Pathum Hna Hi Thum Thlak Hrihrual Bang Tlengkhat Ah Ṭhuṭi Kan Miphun Caah Kan pale pathum Dr. Andrew Ngun Cung Lian, Pu David Ngaisak le Dr. Lian Hmung Sakhong hna hi Kawlram chung hmanh bochan bakmi an si hna. Tuanbia le phunglam (law) lei zong ah Kawlram dirhmun cun asang bakmi an si hna.

NLD si ah Tlangtlung party (Chinmi) si ah kan duhmi cu mah te khuakhan lairelnak le phunghram sernak nawl ngeih kha kan itimhmi si cio ko. Angaite tiah kan itimhmi taktak Federal Democracy sullam taktak hi ralkap, USDP le NLD zong nih an fiang kho taktak loh. Federal cu rampi pakhat chung in chuah ah an ruah. Cucaah atu kan taarlanghmni kan pale pathum hna nih Chinmi kan hmuitinh hi atanglei bantuk do (fight) hna sehlaw kan hlawhtling ko lai.

Dr. Andrew Ngun Cung Lian nih USDP le Kawl ralkap ah lut in MPC sinak dirhmun in heh tiah Chinmi federal kan hmuih tinh hi do (Fight) seh. Pu David Ngaisak nih Political party sinak le dirhmun cozah sin ah heh tiah nawr seh. Cucaah tukum cu CNLD party nih kan Chinram ahcun teinak hmuhter hrimhrim an hau.

Culo ahcun kan miphun ai awh le sinak in cozah doh khawh si lai loh.Dr. Lian Hmung Sakhong nih CNA/F hriamtlai lei dirhmun le sinak in he tiah do (Fight) hna seh. Atulio ah ram daihnak karhlannak committee ah vice chairman attuan lio si caah a lam tampi um. Cucaah CNA/F hi kan miphun nih a thazaang kan ttawnter zong biapi taktak.Cuticun tleng khat ah tthuti in Chinmi kan hmuitinh le duhmi ah ttanzia an thiam i, an ttan khawh ahcun kan duhmi kan hmuh ko lai tiah zumhnak ka ngei. Pathian nih umpi hraam hna seh. Christina Chin

Relchih:Chin ramrian party CNLD a soisel ngaimi pawl, NLD ttanhpi tu pawl nih rak ka let tuah uh. Pakhatnak, Cozah ttha lo doh in ramtang ah tapung hruaitu si lio ah, palhnak a tuah bal lomi, a kut a thiang hirhiarmi tapung hruaitu leader nan theihmi vawleicung ah an um bal maw?

Pahnihnak, Ramrian politics party dirh in Chin aa tel ruangah Chin party asi lo, nan ti. Kanmah zong nih party cu kan dirh khawh ve ko, nan ti. Chin party cu dirh ve ne uh ca. Kan in dirhpi hna lai. Chin ram caah ramrian party nan dirh khawh ve ttung lo cun au len ti hlah uh.

Pathumnak, Kawlram democracy (demokarasi) bantuk hi vawleicung ah a um bal lomi demokarasi asi. Tlawmpal ram a van in thlen in Suu Kyi cu a zia taktak a lang. Zumh ding asi ti lo. Suu Kyi cu Kawl miphun asi. A nungmi kan Pathian abia lomi, Buddhist biaknak kha a hrambunh in an dirhmi ramrian party NLD cu maw nan dirpi peng rih ko lai? NH Lian.