Kan Kawlram Cozah Pi Pahnih State Administration Council (SAC) Le (National Unity Government) .

Tulio Myanmar cu Kawl ralkap (KR) nih SAC in a pen. Nain, March 31, 2021 ah CRPH nih Kawl ralkap (KR) tuahmi 2008 Phunghram cu kan hrawh tiah cathanhnak an tuah. Cun, April 16, 2021 ah CRPH nih National Unity Government (NUG) cu a van dirh cang. KR cu lamzawh, CDM, SoMe le CRPH in van det cuahmah an si. Lungsau in nawr thluahmah cun, teinak lam a nai in kau chin lengmangmi a lo ko cang. Zeidah hau rih?

Thonnayi Ye Htut on Twitter: "In addition to the welcome support for NUG,  there will be prayers for the martyrs of the Spring Revolution in Myanmar  on April 17(Today) and different forms

1) Federal Ralkap (FR) van dirh le sersiam hau. April chungah FR hi an van sersiam lawlaw khawhmi zong si. Zapi lungsau deuh a hau.

2) FR nih KR tthio hau – uknak an thlah duh locun, cucu ramchung raltuknak (civil war) timi kha si. NUG um cang caah – ramchung raltuknak a nai cang.

3) Zapi nih zamnak le himnak caah timhlamh cio hau. KR le FR in kahnak um cun, caan zeimawzet chung harnak le buainak a um lai. Chikhat ah kahnak hi a dih lai – pumpak cun ka zum lo.

Ramdang ummi nih CRPH kan cohlanpiak uh timi kha “NUG” kan cohlanpiak uh tiah thlen hau – lamzawh le zung cakuatnak tbk ah. Gen-Z hi an lungsau hau. Lungdongh bak lo an hau. Ramchung gen-z le ramleng gen-z hi rianttuantti an hau. A lam van vit tuah uh gen-z mino hna. Ramleng CDM le CRPH ah gen-z hi an um cio timi ka thei rih lo – a poi ngai ka timi pakhat si. Gen-Z hna thlennak, bawmhnak le teinak caah idea ttha nan ngeih cun, organization zong dir tuah uh. Mino zalong in nan cawlcanghnak lam nan kawl hau cang.

Be the first to comment

Leave a Reply

Your email address will not be published.


*