KAN DIH LAK IN DOTTHLENNAK AH KAN I TEL LAI: THANTLANG MINO

Kan dihlak in dothlennak ah kan i tel lai. Nihin kan khuaram ah kahdohnak a hung cang taktak cang. Hi kahdohnak cu mithat lainawng rallokap uknak chan dih cang seh ti mi dothlennak a si. Hi dothlennak kan tei khawh nakding ca ah kan ralkap CDF lawng rinh lo in mipi vialte nih kan si khawhnak cio in kan i tel a herh. Ramtang ah um in meithal a tlai lo mi zong nih hi dothlennak ah tihin i tel cio hna usih!

Kan zapi in mi ngiatu kan si dih lai. Hihi a no he cang he tuah khawh dih mi a si. Zing, chun, zan cat lo in Rallokap cawlcanghnak pohpoh kan ngiat lai. Zumh lo deuh mi, mi thar umtu hoiher kan ngiat lai. A rianrannak in thawng kan i thanh lai. To hmun in a ngiathlaitu kan um lai, chawhleh pah in a ngia kan um lai. Cucu kan ral teinak tawhfung a si lai.

Herhhai chantu kan si lai. Kan ralkap pawl nih an herhhai mi chanh khawhnak kha a lamkip le phun kip in kan i zuam lai. A chantu si kho lo zong nih a timtuahtu, a hlutu kan si lai. Ramleng unau lawng rinh lo in Laihlum nih kan ngeih mi kan i hrawmti hna lai. Kan mipi nih an kan dirpi ti hngalh hi kan ralkap ca ah thazang taktak a si.

Kan kaa kan cip lai i kan hna kan tung lai Thawng le pang kan hngalh mi poh zum dih colh lo in kan hna kan fimter lai. Cu kan theih mi thawngpang poh leng chuahter colh lo in kan kaa kan cip lai. Cucu kanmah le kanmah lawng si lo in kan ralkap pawl kan ven hna zong a si chih. Tutan dothlennak cu Mipi Dothlennak a si lai. Kan zapi lungrual in kan baan thawnter usih! Kan Chinland kan ven lai. Kan Thantlang peng kan ven lai.Kan dothlennak hmunpi Camp Victoria kan ven lai. We Support CDF. We Support CNF/A. Credit: Thantlang Revolutionary Campaigner.

CNF To Continue on NCA Path | Burma News International

Thawngpang dang: Sopum khua ah meithal thawng kan thei lo, SAC ralkap belte Khualhring tlang lei ah kal dawh an si tiah achim. Sopum khua ah meithal thawng kan theih tibantuk hi adiklo mi a si, SAC ralkap pawl zong June 10, zaanlei ah khan an kal i Khualhring tlang lei ah kal dawh an si ko, tiah min langhter lo mi pakhat nih a chim. Thantlang Peng Sopum khua ah an i kap tibantuk, meithal thawng kan theih, tibantuk an tial mi kha facebook ah kan rel i kan khuaruahhar ngai.

An i kap lo, meithal thawng zong kan thei lo. SAC ralkap pawl belte Thantlang lei ah an kir nain Thantlang an phan fawn lo. Sopum ah an um ti lo. Rul-lei ti mi khualtlawng pawl an i dinhnak hmun phanh hlan ah khin Khualhring tlang lei pialnak (Khuafo khua lei kalnak) lam a um i cu lam cu an zawh lai i Khualhring tlang lei ah an kal lai, ti hi zumh cio a si.

Aruang cu Mualkai khua le Tihbual khua kar kahdohnak a um hnu khan khika lei ah an kal tiin kan ruah ko,” tiah min langhter lo mi pakhat nih The Hakha Times ah a chim.Hi kong ah Khualhring tlang khua pakhat in khuami pakhat nih, “SAC ralkap an rachap, tiah an kan chimh i atu hi ruahpi suur lak ah kan zaam. Tihbual le Mualkai karlak hrawng ah khin zaanlei 6:30 pm hrawng ah meithal thawng maw a si.

Bomb thawng dik, kan theih. Cu dahlo, atu hi cu thawngpang a dai ko,” tiah The Hakha Times ah a chim. Nihin June 10 Sopum khua chung tan in Thantlang lei ah khualtlawng aa choklet mi tampi an um ko. Ral tih ruang ah a zaam mi cu an um ve ko nain thawngpang an tial ning lawmmam cun a si lo. Meithal thawng zong kan thei lo. June 9 zaanlei SAC ralkap an phanh lai belte ah meithal an puah len i cu dahlo meithal thawng zong kan thei lo, tiah min langhter lo mi pakhat nih a chimchap. Credit: The Hakha Times.

Be the first to comment

Leave a Reply

Your email address will not be published.


*