MIN MAW NA DIRPI LAI THILTHA A TUAHTU DAH NA DIRPI LAI

Min maw na Dirpi Lai? Thiltha a tuahtu dah na dirpi lai?Pu Van Kai cu a min a thatuk nain mah nuamhnak ca lawng a kawl mi asi. Pu Hell Tla cu a min style lo nain midang caah thiltha tuahtu asi. Pu Van Kai min cu min tha tuk asi, kei mah ka zumhnak he zong ai pehtlai mi asi le Van Kai zong ka duh caah Pu Van Kai min hi Dirpi ko ning na ti lai maw?

Pu Van Kai na dir pi ruangah Van ah na kai hlei lai maw?Asiloah Pu Hell Tla cu midang zawnruat le Thiltha a tuahtu asi caah Ka Dirpi bak lai na ti lai dah? Min nih Lai a rel loh a minung ah khan kan dir awk a si ko.Chin min အလွဲသုံးစား hman in နိုင်ငံရေးကစားကွက် ruangah Kan Chin mi no an thinlung a pial sual Lai phan a um tuk.

Fapa 2 na ngeih hna i, Jocob le Chin Pasal tiin min nai sak hna. Jocob he Chin Pasal he na fapa an sinak le Chin mi an sinak kha ai khat ko. Jacob asi ruangah Israel mi na si na ti kho loh. NLD Le CNLD min bunh ruangah miphun min kan chim ding asi loh.Hi hnu kum 5 ah cun Chin State vial te a huap kho mi Party min pakhat mindang a hung chuak kho than mi zong asi ko.Miphun min Chim le Biaknak min chim cu နိုင်ငံရေး Party ah kan Hrial hna a hau. By Peter Ngun Za Cung

Relchih aduhmi caah Game: Zekte Nawh Ṭhannak le 2020 Pinlei. Zei ruangah dah Salai Isaac Khen khi Chinram NLD lu bik bantuk nawn ah an nawh than? Mah khikhi tampi an khuaruah a har. Tuak fawite khi si. Mah tluk a rak thurhnawm i nu zong a rak ram bakmi, an von nawh ṭhan tikah, cunglei NLD cungah purhdahnak phunphun chuak kho.Cunglei nihcun a ruang um lo cun, tlanhnak an tuah lai lo. Zekte phuahtu cu a biapi cun ZB a si. ZB hi pa ralṭha pah deng cu si ko lai ka ti.

A thurhnawmmi pa a phuahter ngammi hna cu paza a si. Thiamsang Chin community upa pakhat nihcun, Nawl nei nih power hmang in phaisa an fir ahcun corruption, mi theih loin mi thil a lak ah cun fir, thazaang le hriamhrei hmang in mi thil/phaisa an lak ah cun robbery ti si a ti. NLD minister pawl nih mipi phaisa nawlneihnak hmang in an lak mi cu robbery case bak si. Cu pin ah action laknak pakhat hmanh um lo in tlahuar (impunity) in an um rih.

Isaac Khen lawng silo, a dang minister zong an um rih. Khi bantuk thil tuah khi thil ṭha tuah ah maw kan ruah la, thil ṭha lo tuah ah? NLD cu robbery gang with impunity” tiin tlangau hnawh hna ding hmanh khi an si.Cu lo ahcun sualnak neilo, thiltha lawng tuahmi ah an ruah hna lai tiah a rak phuan. Cun, Zekte kong ah fiang ngai in a rak phuan rihmi pakhat cu a farnu min in Kawl company nih motor le flat an cawkpiak tbk tehna khi si.

Firnak an thuhnawh khawh tikah, mipi nih mifir ah an ruat hna lo. Tikah, a tanhtu pawl zong khi mifir tanhtu bantuk cu an lo nain, ramkhel Game celhnak lei ah mersan than lengmang cu an si.Thlanglei pawl an rak buai ngai khah. Thleidannak an ngei, thlanglei caah cun zeihmanh an kan tuahpiak lo, anmah Chaklei lawngte an ibarh ti phun in chaklei ṭhanchonak rian an ṭuannak cungah kutdong an rak sawh lulh.

A phunphun in Zekte sualthianhnak ah lam an rak kawl. An thin damnak dingah Zekte pu Soe Htet an hun char. Tikah, Pu ZB kha lentecelh cu a thiam pah ko ti awk si.Nain, an dai lai maw? Dai nemmam lai lo.Vanchiat ah, Pu ZB cu Hakha in pakhatkhat nih a report ve. A reporttu zong cu a min a leeng, fiang cun kan chim kho lo nain, anmah nihcun an itheih ko lai. Leng an chuahter duh lo. Pu ZB cu a pawngkam minung lila nih a report tikah cun Zekte sualphawtnak a rak pekmi cu lih bantuk ah aa cang.

Zekte kha sualnak in a luat. A thiang ah a cang. An rak phuahmi kha puh sawh ah chiah khawh si. Cucaah, Pu ZB reporttu nih Zekte cu sualnak in a tlanh ti khawh si. A sual lomi sual an rak phawt sual man ah ti in atu cu Chinram chung NLD nih teinak an hmuhnak ding caah Zekte cu lu bik ah aa cang. Zekte le a pu SH cu cunglei zumhtlak ah an ichuah. Pu ZB te phu khi zumhtlak an si ti lo.Kawlram President ca i biachat khotu ah NLD aa chuah khawh ahcun, SH khi chief si lai. Ai fiang. SH Chief a si ahcun, Zekte nihcun hmunhma aa ngeih ve cia.

Hakha hrawnghrang NLD pawl khi cu an hei chuah khawh ve lam ahcun, an duh lomi a nawngpaṭaang hrawng cu an beuh ve te hna lai. Annih lei ahkhin NLD an ṭhawng. Zeicahtiah mah Game hi cu fawite in an rak hmuh cia ve caah si.Sinain, CNLD an ṭhawn ahcun, SH nih a duh paoh in Chinram cozah cu a mersang kho lai lo. Hlutdaw cu CNLD MP pawl nih an khalh ve cang lai caah si.Nain, NLD an ṭhawn lam cun Chin hlutdaw cu SH kuttang minung lawngte an si dih lai.

A bonbok le a mantat pinah, teirul cham cozah an si te lai.Cu nak thuk deuh in Game icelh thiam tu a herh. 2020 ah NLD nih amah pak lawngin cozah a ser kho lai lo tiah zumh cio a si. Tlangmi dang hna ah cun NLD an ṭhawng ti lo. Tikah Coalition ser hau ding khi si. Chinram chungah CNLD a thawng cem an si ko ahcun, Chinram Chief cu CNLD nih a tlaih lai. Hakha lei i CNLD lei in paza kan timi pawl khi Chin Chief caah itimh cia chung khawh si, kan ti hnga. VP kong cu ceih duh hlah usih. Mang manh awk si ti lai lo. A rauh hlanah, nizan hrawng i nan ilaarter ngaimi seh-hmuh-zung kong kha ka von thai te lai. Credit: Salai Alexander

Be the first to comment

Leave a Reply

Your email address will not be published.


*