KA THEITHIAM HRAM UH, HIHI NAN TUAH CANG MAW?

Kan Ram Caah A Cawlcaang Lengmang Mi Hna Hi Hi Nan Tuah Cang Maw? Khah keimah lung hnangam ah au ve lengmang ko ning law ka theithiam uh, ca ka van ttial deuh tikah ,Daalan na si lai tiah ka ttial mi theithiam lo in a ti mi zong nan um le nan fian lo caah nan mawh lo,a poi loh. A tu ka van ttial duh mi cu, a tu kan ram buainak le dothlennak hi, Halkha calawng a si lo caah, Chin miphun kan dihlak ca i dothlennak a si ko caah hin a ho mithmai hmanh i zohlo te in, nan cawlcaang vevek ko, kan cawl vevek ko cang caah, Halkha sin lawngah kan ralkap pawl bawmhnak le hriamnam cawknak hi nan hal cang hna maw?

Thantlang ca zong ah dothlennak a si i,Falam cazong ah dothlennak a si,Matupi ca zongah ,dothlennak a si i,Paletwa ca zongah,dothlennak a si.Cubantuk in, Kanpalet le Mindat ca zongah dothlennak a si bantuk in,Tidim le Tonzang le, Tahan, Kalaymyo um, Chin mi ca zong ah,dothlennak a si ko caah hin kan ralkap ngeih chun pawl an tthawn ahcun kan miphun le ram an ven khawh lai ti kha a fiang ko mi a si.

Cucaah hin, ahohmanh, Falam, Halkha, Thantlang, Tidim, Tonzaang, Matupi, Kanpalet, Paletwa, Mindat, Tahan, Kalay um, Chin mi paohpaoh sinah hi thawngpaang hi an theih kocang nain,a hna ai chehter mi pawl sinah a thar in nan tuah rihlo le nan theihter rih hna lo ahcun, hei thanh hna ulaw a ttha hnga lo maw? Thawng nan thanh hna hmanh khi, Chinram le miphun a daw taktak mi nih cun a hau ding hmanh khi a si lo.

Sihmanhselaw,turkhawnh a hau mi a um ve caah hei turhkhawnh ko hna ulaw,cu i a hna aicheh mi cu, Chin mi nih kan ingeih chun mi kan ralkap CNF pawl hi lotlau/loral hnaseh ti a duh mi an si ko hna lai. A tu hi ttanrual caan a si,a tu hi kan ihngilh caan a si lo, kan itthangh caan le kan ttuantti caan a si.Kai lawm. By Pu Tin Duh Thang.

May be an image of one or more people, people standing and outdoors

Cabia Dang:Nehsawhmi Miphun Sinak In Luatnak Lam. Kawl rallokap kan doh lioah kan lotaw in Rakhine AA tapung nih Paletwa le Rakhine ram kan Chin mipi pawl khuakhat ah pa pathum a tlawmbik AA lut dingin hramhram in an dawh cuahmah ko hna (Chinworld Media). Cun Paletwa ram kan tlor thing le ruapum vialte an zuar dih hnik cang tiah kan theih. Zeitik tiang dah Chin miphun hi zomhtaih kan ton rih lai?

Atulio ah CNF le CDF vialte fonh tikah meithal tlai Chin pasaltha 10,000 (thonghra) leng kan dir cang! Kawl rallokap hmanh kan hun doh taktak ahcun an i muai cawk hme maw. Minung 200 nawn an lu kan hloh hna taktak cun an condup ko cang hiteh. Aziah AA nih a kan nehsawh ngam rih lai maw? Nemmam! Kawl rallokap lawng si loin anmah zong hi fim kan chimh hna an hau.

A taktak ahcun anmah AA zong hi a luancia kum 10 hrawngah tlangvalno Twan Mrat Naing timi nih a dirhpimi hna si ve ko. Zero veve in anmah zong CNF zong KIA nih hramsih piak veve mi kan si ko. Atu ah meithal tlai 10,000 hrawng lawng an si ve ko. Kan izat thualthal ve ko. Kanmah nakin a thawng tukpi an si hlei lo. Meithal thadeuh cu an nei. Adik. Asinain cucu kan izalh khawh tuk ve ko. Kan izalh cuahmah ve ko.

Hriamtlai 10,000 kan neih ahcun tlangcung hriamtlaiphu 20 lakah a ngan bik 5nak kan si lai tinak a si. Wah-UWSA nih ralkap 20,000 in 30,000 karlak an ngeih. Cuve bantuk in KIA nih 15,000 leng, Shan-RCSS/SSA nih 12,000(+) le AA nih 10,000(+). Adang KNU, TNLA le SSPP/SSA hi 5,000 in 9,000 karlak lawng an si hna. Ralkap 5,000 lawng kan neih hmanh ah Mon-NMSP, Kayah-KSPP, PaO-PNLA, Kokang-MNDAA, Mongla-NDAA tepawl nakin kan ngan deuh rih lai.

Chim duhmi cu kan miphun hi AA siseh Kawl rallokap siseh, mizei miphun le buu hmanh nih nehsawh ngamlo dirhmun kan phanh khawh nakding ah hriamtlai ralkap 5000 in 10,000 karlak kan neih a herh. Mon hriamtlai NMSA le Kayah KNPP hriamtlai khi ralkap 2,000 in 3,000 karlak lawng an nei. Nain Karen-KNU le Shan-RCSS tepawl nih an ramri an deet ngam hna lo (ramri ah an buai pah tawn nain an ngamh taktak hlei ve hna lo).

Palaung TNLA ralkap 8,000+ le Shan-RCSS ralkap 12,000+ cu an itthua peng ko i an itei veve lo—an i ttih veve lo. Kawl rallokap 300,000 nih AA ralkap 10,000 kha a tei taktak hlei lo i a ngamh tuk fawn lo. Nan hmuh ko hiteh. Cucaah ralkap 5000-10000 karlak kan neih ahcun AA chim hlah, Kawl rallokap zong nih an kan ngamh hlei lailo. Cucu ruahdomh chimmi si lo. Thilsining a si.

Myanmar ram ahcun hriamtlai thazang thawngmi poh ttih le upat si ko. Zeidang chim awk um lo. Hihi hmailei zong can saupi a si rih lai. Ralkap 5000 in 10,000 karlak ngeih ahcun miphun upat pek a si— nehsawh ngamlo a si. Cun, ralkap 20,000 leng na ngeih ahcun federal nakin a sang deuhmi na hmuh lai tinak si. Wah (UWSA) khi kan hmuh ko khih.

Annih cu federal ee, ralkap doh ee tiah chim le au an hau ti lo. Ralkap 20,000 leng an neih caah a ciasa si ko. Atulio te hi Chin miphun ram kan hraan lio asi. Hriamnam thazang kan tthawn bik lio can a si. Mino kan ngamh a san bik can a si. Hihi hman thiam ahcun a dih ko. Hi pasal 10,000 renglo meithal tlaimi hi fek tein buu khat tang(under one command and control) ah kan ifun i meithal thami kan idamh khawh ahcun cuvial cu si ko.

Zei politics ee, ramkhel ee chim awk um lo. Ralkap 10,000 ti tikah “zeitindah kan cawm lai” tiah kan lungrethei hlah seh. Ralkap 5,000 cung neih hnu ahcun mipi sinah fund kawl len hau tuk ti lo i 10,000 cung neih lebang ahcun mah tein itodelh a si cang. Ukmi ram (control territory) ngeih a si i cuka ahcun sipuazi a phunphun tuah a si cang. Acung i ralkap 10,000 cung nei pawl khi mipi sinah fundraising an tuah ti lo. Cho chuah khi a si cang. Credit: Salai Ceu Bik Thawng.

Be the first to comment

Leave a Reply

Your email address will not be published.


*