PRESIDENT ATTUAN KHO DING ASI TILO. A SINING VIALTE A VUN PHUAN

Joe Biden hi president ttuan dingah a tlinh lo tiah Dr Ronny Jackson nih a chim. White House ah Dr a ttuan cangmi Dr Ronny Jackson nih atimi cu Dr ka si bantukin Joe Biden hi a thluak le athinlung lei ( Mental Capacity and Cognitive Abilty) zoh tik ah rampi hruaitu dingah a tlinh lo. President rianttuan ding ah a taksa tthawnnak le thinlung tthawnnak zeizat dah ahau timi hi ka theih ngai ko tiah a chim.

Tutan ah Joe Biden kong a chimmi Dr Ronny Jackson cu Obama president a ttuan lio le Donald Trump attuan chungah White House ah Sibawi attuan cangmi zong a si. Theihcio bangin Joe Biden cu kum upa cangmi hna nih an ngeihmi Dimentia timi zawtnak angei tiah an chim lengmang. Alunglo tuk cang tiah an chim. Mipi hmai bia a chim zongah a nupi le a unau hna hi a thleidang kho tawn hna lo ti asi.

Mah lawng siloin TV ah bia a chimnak zongah a chim dingmi biahi philh a hmang tawn i, nizan tihni Ohio i, bia a chim zongah zuamnak aluh hnawhchan adirnak hmun zong a philh. Atimi cu kan i funtom hi ahau. Democrats min in Senator caah ka vun dirnak hi asi tiah zeipoilo taktak in a chim. Culawng siloin Mitt Rommy he election kongah an i tining zong a chim chih. Asinain Mitt Rommy min zong a philh tthan.

Joe Biden nih ati tthan mi cu Mah pa Mormon pa kha tibak in a chim. Chim dingmi a philh caah mipi hna cu ka chim duhmi nan theih ko kha tiah a chim salam. Cun bia a chim cuahmah lio zongah hin atuhi khoika hmun le hma ah dah bia ka chim timi zong hi a philh lengmang rih. Naite ah a ti tthan rih mi cu US tuanbia ah ahmasa bik sidingin Senate ah minak Nu ka chiah lai tiah a chim hoi.

Senate hi president nih tuah khawhmi thil asi lo cupin ah Senator rian a tlaimi hi minak chungin minung pahnih an um cang fawn. Minak nu chungin senator attuan hmasa bik cu Carol Braun asi i, aliamcia kum 1993 in 1999 ah arak ttuan cang. Hi konghe pehtlaiin acunglei langhtermi Dr Ronney Jackson nih a timi cu President rian cu ahartuk mi asi i, taksa thinlung dihlak in ttuan ahau.

Zeitik caan paoh ah lungfim tein um peng ahaumi asi i, timhcia tein um peng zong ahau. Thatein tuak i, zeibantuk kong vialte zong theih i, thil tampi hna hi voikhat te ah ruah zong ahau. Joe Biden cu atu dirhmun hmanh ah thil pakhat te lawng asimi election kong biachimnak hmanh ah a chim dingmi hman ah alung a buai ko cang tiah a chim chih.

Be the first to comment

Leave a Reply

Your email address will not be published.


*