INDEPENDENT PAWL CU A HLOH BAK KO HNA HIH

Independent MP Pawl Cu Ke Ngei Lo Bulung Chuih Timh Bantuk Khi AN Si:Kan khua ah hin a min cu ka langhter lem lailo,a ke a tha lo mi a um,vawikhat cu ,”Pathian ni zanlei ah patung le tlangval bawlung chuih izuamnak ngeih a si i,mah cucu khuapi te nih kan zoh cia hna i patung lei zong an ttang i tlangval lei zong an ttang ve taktak khi a si.

A chuihlo mi patung le nutung pawl nih patung cu an ttanh hna i hetiah an fawrh hna i an i auseek len hna.Mahbantuk in a kam i a um mi tlangval le nungak pawl le mino pawl deuh nih cun tlangval pawl cu hehtiah an fawrh hna i an ttanh taktak hna caah a thut hrimhrim an thu thiam lo khi a si.Mah ti an chuih len lio ahcun a leng i a fawrhtu pawl hna cu,tlangval a ttanh mi le patung a ttanh mi hna cu hehtiah an mah le an mah an i auhnawh len hna i a zoh an nuam i a chuihtu cu chimlo in a leng i a rak zoh keimah hmanh nih a leng in gaol 3 kai suut manh ve.

Mah ti a leng i a um mi kan ttantuk lio ahcun patung lei i a ttang ve mi ke tha lo nih cun patung pawl a ttanhtuknak ka ke a tha lo i ka kal kholo ti kha a philh sual i heh tiah a au chih ve len i,mah a au mi thawng nih cun patung a ttanhtu hna kha thazaang a peek ngaingai hna,asinain,ke tha lo pa cu bawlung chuih a zohnak kha certual iltlang cung in sikaw an mah lei i bawlung an van chuih mi cu a ttantuknak ah a ke thatlo kha a phil duak i diltlang cung cun tangah a tla diam ko.

A tlaak le caangka in mipi nih an zuanhnawh ciammam i zeitin,zeitin tiah an ti i a leh mi hna cu,”Aa”Ke thatlo zong in bawlung chuih ve khawh a si rua tiah ka ruahsual i hmeteh ka dir ka tinak ah ka ke cu tha tihlah kaw ka tlaak ko,a ti. Biafuun: Si,”Independen i MP pawl hrimhrim hi CHIN ram le Myanmar ram cu chim lo in rang dangdang an tuanbia tete kan rel i kan theih mi chung i,ke tha lo bawlung a chuih mi bantuk lawngte an si.Mah hna pawl nih cun ,Ruahnak thatha cu an ngei ve kho men ko,mah an ruahnak tha pawl kha MP pawl ram le miphun ca i ceihhmaittinak an ngeih lio ah khin chuahpi tengtung in chim ko,

Hmanhselaw party min in MP a tling mi pawl nih an hnatlaakpi hna lo tik ahcun a ruahnak tha le a chuahpi mi bia thatha cu vokpi hmai lungvar thlak bantuk men a si i santlai lo asi,A mah pumpak aimiak/hlawk mi tu cu,MP hlawh le MP pawl Fund thla chiar,kum chiar laak lawng kha a si ko.

Not:Cucaah,Independen MP pawl cu sahlawh rualchan lawng nih aa vote a hmu lo sual lai ti men in hei vote ding men khi an si i,miphun le ram zawnruahnak a ngei taktak mi nih cun mah zong ah vote hna lonak a si.Independen MP pawl cu ke tha lo/ke ngei lo bawlung chuih bantuk men khi an si. By Tin Duh Thang

Be the first to comment

Leave a Reply

Your email address will not be published.


*