I RALRING TAKTAK DINGMI RAMKHEEL HLAWH HLANG THEIH KHAWHNAK PALI

Political Prostitution: Ramkheel Hlawhhlang. Ramkhel hlawhlang (political prostitute/prostitution) timi cu miphun le ram dawtnak le dirhmun fek ngei lem loin pumpak miaknak le thutdanh hmuh duh menmen caah ramkhel rianttuan khi asi. Khel dangin chim ahcun, ram le miphun dawtnak or dirhmun hnuchit tak in a thazang ngeideuh, a lardeuh, tangka ngeideuh tbk sinah miphun sinak a zuar mi khi ansi ko.

Kha bantuk ramkhel hlawhlang pawl hi miphun chungah an um theu tawn. Ralring thiam lo ah cun zumh an fawi ngaite. Zeitin dah kan theih khawh hna lai? Pakhatnak. Ram a daw ngaimi an lo ko lai nain miphun le ram tthanchonak kha miphun dang hngatchanh longin tuah an ni zuam tawn i miphundang pawl singah lukung kha an zei a pawi lai lo.

Pahnihnak. Mipi tthatnak le miphun nawl ngeihnak taktak caah khua an khang lem lai lo. Pumpak miaknak le nawlngeihnak kha hmai an tlak hmasa zungzal lai. Pathumnak. Dirhmun fek zeitik hmanhah an ngei lai lo. Thazang a thawng deuhmi le thil tuah kho deuhmi sindeuhah an um lai i tangka le tthazang in mi ramkhel lemsoinak an tuah lai.

Palinak. Miphun dang ALan (flag) le Bawi pawl tangah khupbil le lukun an ni fawih tuk lai. Hipawl ruangah miphun pakhat asimi nih kan ni ralring ngai a herh i biatak tein kan doh hna awk asi. Zumhsual ahcun miphun tiang an kan tlau pi khawh. Credit: Rual Lian Thang

Ruahphu taktak a simi relchih: Min maw na Dirpi Lai? Thiltha a tuahtu dah na dirpi lai?Pu Van Kai cu a min a thatuk nain mah nuamhnak ca lawng a kawl mi asi. Pu Hell Tla cu a min style lo nain midang caah thiltha tuahtu asi. Pu Van Kai min cu min tha tuk asi, kei mah ka zumhnak he zong ai pehtlai mi asi le Van Kai zong ka duh caah Pu Van Kai min hi Dirpi ko ning na ti lai maw?

Pu Van Kai na dir pi ruangah Van ah na kai hlei lai maw?Asiloah Pu Hell Tla cu midang zawnruat le Thiltha a tuahtu asi caah Ka Dirpi bak lai na ti lai dah? Min nih Lai a rel loh a minung ah khan kan dir awk a si ko.Chin min အလွဲသုံးစား hman in နိုင်ငံရေးကစားကွက် ruangah Kan Chin mi no an thinlung a pial sual Lai phan a um tuk.Fapa 2 na ngeih hna i, Jocob le Chin Pasal tiin min nai sak hna.

Jocob he Chin Pasal he na fapa an sinak le Chin mi an sinak kha ai khat ko. Jacob asi ruangah Israel mi na si na ti kho loh. NLD Le CNLD min bunh ruangah miphun min kan chim ding asi loh.Hi hnu kum 5 ah cun Chin State vial te a huap kho mi Party min pakhat mindang a hung chuak kho than mi zong asi ko.Miphun min Chim le Biaknak min chim cu နိုင်ငံရေး Party ah kan Hrial hna a hau. By Peter Ngun Za Cung

Note: Hmanthlak kan vun langhtermi hna hi Party huap in vun langhter mi asi. Hi hmanthlak kan tar langhmi ruangah ramkheel hlawh hlang an si tinak asi lo. Miding mifel lawngte an si hna. Ramkhel vun ti tikah a party le hmanthlak tu kha kan vun tar bia asi.

Be the first to comment

Leave a Reply

Your email address will not be published.


*