HAWI THINPHAN LIO AH A RUH BAK IN TANGKA AN RUH KO HIH

Pulrai Tlun Chungah Billionaires pawl an phaisa Ngeihmi 27% tiang a Kai Manh.Technology le Industry i an lubaan pawl an chawva ngeihmi pulrai a tlun chungah tam taktak in a karh manh. Vawleicung mirumbik hna i an chawva hi April in July karlak ah 27.5% tiang a kai manh ($10.2 trillions an i ngeih cang).Covid buabainak ton chung ko ah hin billionaires pawl hi an ti tha taktak khi a si, tiin UBS nih a chim.

2017 lio ah khan cun billionaires miluzat hi 2,158 hrawnghrang an rak si i, nihin ah hin minung 2,189 ting an phan, tiah UBS nih a chim (Billionaires minung 31 an i chap, tinaka si). Pulrai a tlun ruangah hin kum 20 chungah a faakbik mi taamhalnak le sihfahnak a chuak ding dirhmun a phan cang, tiah Wednesday ah khan World Bank nih thawngthanhnak a tuah.

Duhherhmi nih le a Tam chinchin. Hi billionaires pawl lak i tu kum chung i buan a cotu tamdeuh hi cu industry a ngeitu mirum pawl an si i, hi hna pawl an chaw ngeihmi hi April in July (thla 3 chung) tiangah 44% bak an kai manh.Vawlei pumpi ah lockdowns an tuah hnu i Economy chanhchuah (recovery) dingin markets pawl vava tum in kal le suul an kawlhawl hnu ko in hin Industries pawl hi ti awk a tha lo in thanchonak an hmuh hi a si, tiah UBS nih a chim.

Technology ai ngeihmi billionaires pawl zong cu pulrai thate (a good pandemic) an i char ve le, an chawva ngeihmi hi 41% an kaiter khawh. Coronavirus ruang i an sermi thilri le an service pawl mipi nih an herh chinchin cang hna caah a si. Social distancing an tuah hnu le bang khan cun, digital business pawl hi tamtuk hmunhma a laakter cang hna i, cu hlan kum tampi chung i an phaak khawh lo mi dirhmun kha pulrai a tlun chung thla tlawmpal te chungah an vun phaak khawh colh, tiah UBS nih a chim.

Covid khamnaksi le thlopnaksi ser dingin siai a sertu company pawl zong rian khinh a si ve caah, siai sernak lei tuanvo a latu company billionaires pawl zong pulrai a tlun chungah an thangcho ngaingai, ti a si.March dih lei sang i global stock markets pawl an riantuannak buaktlak in a thancho ruangah a tu bantukin mirum pawl an chawva a karhsonak hi a si. Amazon boss Jeff Bezos le Tesla founder Elon Musk hi multi-billionaiers an si veve i, summer chungah khan an company stock man a kai ciammaan i an rum chinchin cang.

Global change. A liamcia kum 11 chung kha cu China billionaires pawl an chawva ngeihmi ko hi a karhbik a si. 2009 in 2020 kar ah khan 1,146% tiangin an kaiter, tiah UBS nih a chim.Cu lio caan i British billionaires pawl nih an chawva ngeihmi an karhtermi hi 168% tiang lawng a rak si. Asinain, vawleicung i chawva lei rumnak nganbik cu US ah caambang peng ko rih. China billionaires nih $1.7 trillions an i ngeih lio ah, American billionaires nih cun $3.5 trillions an i ngeih.

Germany mirum nih ai ngeihmi hi $595 billions, France mirum nih an i ngeihmi hi $443 billions an si lio ah, UK mirum nih an i ngeihmi hi cu $205 billions lawng a si. Donations (Bomhnak Pekmi). Covid-19 dohnak dingah billionaires tampi nih an chawva tampi bomhnak an pek hna. Research kan tuah ningah, 2020, March in June tiang i billionaires minung 209 nih bomhnak an pekmi hi a phaisa in tuakpiak viar hna ah cun $7.2 billion tluk hrawng in a tam cang, tiah UBS nih a chim.

Kokek harnak a tongmi zokzok in an zuanhnawh hna ruam in khin, hi mirumpawl nih hin Covid nih a chiatchuahmi hna miharsa pawl bomhchanh dingah tuanvo ngeitu pawl i sumren hau lo ding tiangin, siang taktak in, an chawva an bungh hnawh hna, ti a lang. Ramdang um billionaires pawl tlukin UK billionaire pawl hi miharsa an bawm hna lo. US i billionaiers pawl nih bomhnak an pekmi hi $ 4.5 billion a phan cang i, China billionaire 12 nih bomhnak an pekmi hi $ 679 millions a si ve cang. Australian billionaires 2 nih bomhnak an pekmi hi $324 millions a si. UK billionaires 9 nih bomhnak an pek mi hi $ 298 millions a si. Credit: Chelsea Bawi.

Be the first to comment

Leave a Reply

Your email address will not be published.


*