HAKHA THAR AH ZEIBANTUK MINUNG DAH KAN UM? RALRIN PEKNAK

Ralrin peknak le theihternak. Hakha Thar ah zei bantuk minung dah kan um ve?Pakhatnak. Hakha Thar kan dirhmun, kan sining le cawlcangh ning tete a herh lo tiang in mi(vei pawl) sin ah a va chim mi(Dalan) nan um ti kan in hngalh hna. Nan min le nan umnak inn tiang mino nih kan hngalh dih. Cucaah nan i ralrin lo a si ah cun hmailei nan khuasaknak siseh nan thut dirnak caah siseh tih a nung.

Pahnihnak. Hakha Thar ah mino nih zu zuar kan khamh a hngal ko nain uknak tha lo lio ah caantha i lak in kan hmun ciacia ah zu a kan zuar hnawh mi innchungkhar nan um kan in hngalh hna. A rauh hlan ah zu zuar nan ngol lo a si ahcun mino nih a herh ning in rian kan tuan cang lai. Nan ngol lo a si ahcun nan chungkhar dihlak hmailei nan khuasaknak lam a pit ti kha rak philh hlah u. Hakha Thar Mino nih share lo in Copy, Paste tuah khawh si.Ral cu zoh ding a si lo, doh ding a si.

Relchih: Zaangfahnak tein mah konghi hmunkip kaa kip ah a ummi vialte hna nih share cio hna usih. Tuchun Hakha ah a ummi kan nau le minung pathum hna cu cikhat te thil kan caw ta lai an ti i, atu tiang inn an rak phan ti lo. Atuhi chungkhar lei zong an lungre a thei ngaingai. Pehtlaihnak zong an tuah kho ti hna lo. Curuangah chungkhar lei nih bawmh halnak an tuah.

Atutiang inn a rak lawi lomi kan nau le minung pathum hna cu, Van Nun Bawi le Roland cun Cung Hlei Sang an si. Van Nun Bawi hi kum 17 a si i, Roland hi kum 18 a si. Cun Cung Hlei Sang zong hi kum 17 asi. An Pathum in mino lawngte an si hna.Thil sining cu tuchun suimilam hleikhat le cheu hrawngah khan thil kan caw ta lai tiah lengah an chuak. Asinain leng an chuah in atu suimilam pariat tiangah inn an rak phan tilo. Pehtlaihnak zong tuah khawh an si lo. An phone call zongah a ngah tilo. Hakha a ummi hawikom siseh khualei pehtlaihnak an tuah hna nain an umnak theih asi lo.

Tleih khih an ton le ton lo zong chungkhar lei an theih lo caah atuhi an lungre athei ngaingai. Cucaah pawngkam a ummi hna nih an umnak le an sining a theimi hna nih zaangfahnak tein pehtlaihnak rak tuah cio hram hna usih. A sining atheimi hna nih 09265291966 mah phone ah hin pehtlaihnak tuah cio hna usih. Mikip nih an hmuh khawhnak hnga share tuah cio usih. Atanglei hi chungkhar lei nih an langhter mi asi.

Bawm halnak: Tuni 28.3.2021 ah ka nau pa le a hawi le pahnih. 1. Van Nun Bawi(kum 17), 2. Roland(kum 18). 3. Cung Hlei Sang(kum 17). Hna cu 11:30am in chikhat te thil kan caw ta lai tiah an chuak i,8:00pm tiang ah pehtleihnak kan ngei kho hna lo,an phone call zong ngah lo. Khualei le Hakha hawikom chungkhat sin ah kan kawl hna i khuika hmanh ah an chuak lo. Tleihkhih or thih loh an ton zong ka thei lo i, zaangfahnak tein an kan hmuhpiak hna si cun 09265291966 ah zaangfah tein na kan pehtleihnak lai zaangfah kan in nawl hna. Credit:NOC (Nway Oo Cer)

Be the first to comment

Leave a Reply

Your email address will not be published.


*