GOOD NEWS: DONALD TRUMP DIRHMUN ATTHA KHO TAKTAK

US President Donald Trump cu adirhmun attha tilo i, Republican chung hmanh ah alung dongmi tamtuk an um cang tiah an ti. Asinain tutan ah fiang tein Trump dirkamhtu an um le um lo, zeitluk in dah Trump an rak dirkamh timi hmuh khawh asi. Thenkhat le bang nih a ralaimi thimnak zong ah Donald Trump hi President i cuh tthan seh tiah a timi tampi an um. Cu lawng siloin Senator Mitch McConnell zong nih adirpi rih.

Tutan US thimnak kong cu theihcio bangin abuai taktak khi asi ko. Thimnak kongah Trump nih thimnak hi a dik hmanmi thimnak asi lo, lih le nawnnok, fir le tlei tiah a phunphun in achim. Cun tutan thimnak ah hin ning le cang tein thil tuah siseh law ka tling hrimhrim ko lai tiah a chim pin ah biatak tein dottletnak zong atuah. Thimnak kongah Trump nih a aupi lengmang mi konghe pehtlaiin mipi ruahnak lakmi an langhter.

Hi konghe pehtlaiin Axios-Ipsos Poll nih Republican chungah ruahnak an lak i, 62% nih Donald Trump nih thimnak kongah acohlang lonak kong alanghter mi cu kan dirpi tiah thimnak kong ah Trump an dirpinak an langhter. Senator Mitch McConnell zong nih hi kongah cun Trump adirpi ve. Cu lawng siloin January ni 6 Capitol buainak achuak mi kongah 69% nih Trump palh asi lo tiah an ti rih i, Trump cu an dirpi tthan.

January ni 6 buainak kongah Minung tampi hna nih Donald Trump ruangah asi tiah Trump cu sual an puh, Trump zong nih kha thilcang kongah palhnak zeihmanh ka ngei lo tiah a chim. Asinain Trump cu kha buainak achuah hnu ah apalh tiah House nih biachahnak an tuah piak i, Senate ah ceihtthan asi lai. Zatuak 91% hi Trump dirkamhtu an si i, traditional republican chungah 46% nih an dirpi lio. Asinain 36% tu nih cun an dirpi ve lo.

Cu lawng si lo rih lo in 96% nih Republican party cu Donald Trump nih a sersiam tiah an ti tthan. Hi chungah 51% Traditional Republican an si. Cun 94% nih kum 2024 ah Trump hi i cuh tthan seh an ti i, cu chungah 41% cu Traditional Republican an si. 42% nih Sen, McConnell an dirpi i, 63% nih Trump an dirkamh ve. Acunglei vun langhtermi zoh tikah Trump dirkamhtu hi an tam tuk hringhran timi hmuh khawh asi.

Be the first to comment

Leave a Reply

Your email address will not be published.


*