DONALD TRUMP LE A NUPI MELANIA AN RAK I TONNING

Donald Trump nupi Melania Trump konglam hi atheimi tampi kan um cang kho men. Nain a thei rih lomi caah atawinak in kan vun langhter lai. US First Lady Melania Trump cu US president nupi vialte lak ah phundang bik asi. Amah hi pe 5 le lehmah 11 asang mi asi i, Holh hi phun ruk a thiammi asi. Cu hna cu Slovanian, English, French, German, Italian, Serbian hna hi an si.

Kum 200 hnu ah USA ah a chuak lomi First Lady hmasabik zong asi. Chungkhar ah mirang holh ahmang ballomi zong an si. Aliamcia kum 1970 April 26 ah Communist ram Novo Mesto, Slovania ah a chuak mi asi i, amin taktak cu Melania Knauss ti asi. Communist ram a si caah athlithup in Tipil zong an pek. USA First Lady ah Catholic pahnih ah aitel mi asi i, pakhat cu John F Kenedy nupi kha asi.

Apa hi Car Dealer attuan i, a nu tucu Designer asi. Nau pakhat nu angei. Amah hi sianginn akai lioah a holh tam lomi asi i, hawidang an i dai len zongah anih cu ca arel pengmi zong asi. Ahawi le nih hin athlukttha mi le alungput athiang tuk tiah an ti lengmang mi zong asi. University of Ljubljana, Slovania ah designing le architecture a cawn i kum 16 asi ah Modelling lei ah a lut.

Cuticun Fashion khuapi Milan, Italy ah Modelling lei tuah dingin akal tthan i, hika ah hin Modelling Contract ngan taktak mi attuan. Magazine minthang hna nih Model caah an hman chin lengmang cang.Kum 1996 ah khan Tourist Visa hmangin New York ah a pem. US zongah Model in a um tthan i kum 2001 ah khan Greencard angei.

Cun kum 2006 ah USA Citizen a vun hmu tthan. US ah kum hnihnak a um chungah hin Donald Trump he New York PARTY ah an rak i hmu. Hi lio caan hi Donald Trump le a nupi Marla Maples karlak ah buainak arak chuah liopi asi i, tthen an rak i timh cuahmah lio asi. Melania cu Trump nih a phone No ahal i, Date tuah dingin a rak sawm. Asinain Melania nih a rak duh lo i, phone no zong arak pe duh lo.

Melania he i date dingin caan zeimawzat sawmnak atuah hnu ah tlamtlinnak a hmu. Cuticun pakhat le pakhat karlak ah dawtnak hram a sih i, kum 2005 ah khan Trump nih i hamnak zungbunh 1.5million man in sawmnak atuah i kum 2005 January 22 ah sunglawi taktak in tthit umnak an tuah. Melania Trump cu Model asi pin ah Businesswomen zong asi i, Jewellery le Skincare lei zongah business Line angeimi asi.

Chungkhar nubik sinak zong atlinh taktak mi asi. Ngakchia zohkhanh zong hi amak bak nih ttavuan alak. Trump biahalnak an tuah lio zongah hngakchia diapers hmanh hi ka tawng ballo tiah arak ti. Afa sianginn thlah zong hi amah bak nih a thlah mi asi. Cutluk in afelmi asi nain Daily mail nih ningcang loin akonglam an ttial ruangah taza acuai hna i, 2.5 million an rak cawi.

White House a um hnu ahcun biatak tein ram caah rian attuan i, Cyber Bully donghter dingin adoh i ritnak sitthalo pawl Mino le hngakchia hna nih an tongh lengmang mi zong donghter dingin rian attuan rih. Obama nupi nih First Lady asi lio ah amah bawmtu ding assistang 23 arak ngeih nain Melania tucu 4 te lawng aa chiah. White House ttamhmoih kong le bang cu amah nih ahruai dih hna.

Christmas le bang ahcun White House khi amah duhning lawngte ttamhmi asi. Media hna nih akonglam atthatnak an chim lonain US mipi hna nih cun an uar ngaingai. CNN nih poll an tuahmi ah 57% bak nih Melania Trump hi an duh. Trump nak hmanh in aduhtu an tam deuh ti asi. Melania Trump cu biahalnak an tuahmi ah Na Vapa he politics lei ah nan ruahnak ai khat maw tiah an hal.Aa khat dih kho lo tiah lehnak atuah hna. ka vapa Trump hi cu aruahning fiang ko in a chim tawnmi asi.

A caan ahcun ka duhning ka chimmi zong angeih nain acohlan lem lo tiah a chimchih. Nan karlak pehtlaihnak tah attha maw tiah an halmi ah atimi cu kan tuah dingmi kan i thei, minung tthenkhat hi cu nupa an si hnu ah an va le umtu ning siseh an nunnung vialte thlen dih an timh tawn hna. Hibantuk pawl nih hin an tuah sual tawn. An sinak hi kan thleng kho hna lo. Ka vapa ziaza cu thlenpiak ka tim ballo e tiah a chim pin ah politics le policy cu amah rian asi ko ati.

First Lady sihi ahar maw tiah an halmi ah hitihin lehnak atuah hna. Mah ca tthat or minthannak ca le laarnak dingah keimah le ka chungkhar min ahmang tawnmi hi an um i, cubantuk mi capo sin in Journalist hna le Performers si hna seh, cattialtu hna nih hin First Lady ka sinak hi an har ter ngaingai ko tiah a chim.

Be the first to comment

Leave a Reply

Your email address will not be published.


*