DONALD TRUMP CAAH THAWNGPANG CHIA TUK A CHUAK CANG

US state cozah kip, election commission, Supreme Court le officials pawl nih Dominion Voting Systems cu hman dingin fehter mi asi, cucu Trump i attorney Rudy Giuliani le White House counsel Pat Cipollone nih adik lo ning in an tuah, an control le Trump lei vote kha Biden leiah an bungh dih, tiin tehte um hleng tung loin president kan tuan lio asi ai pet tiin ning cang lo tukin an timi cu Dominion Voting Systems nih tazacuai an timh ko cang hna hi.

Monday ah khan Fox News, Newsmax le OANN cu ningcang loin Trump tank tuk ruangah thawng dik lo voi 12 DVS ral chanh in an thanh caah tazacuai i million tampi dih te ding in an hro hna i ritte thi bang ai dai dup. Tutan zong hi Trump legel team pawl nih ningcang loin DVS sual an phawt mi hi tazacuai an tong taktak ko cang lai caah ai ningcang lomi le an hmu tung lo i cawi le liam lawng nih a hngah ko cang hna hi. CB

Rev Franklin Graham biachim: Atimi cu kum 2016 ah khan Donald Trump nih Obama cozah nih ngiathlainak an ka tuah tiah arak chim cang. Culio ahcun Media hna nih Trump cu alungput hmanlo tiah an rak ti. Cun Obama cozh le ami hna nih Donald Trump cu lih a chim an ti pinah President attuan dingah a fit lo tiah an rak ti.

Asinain a hnu ahcun Donald Trump an rak ngiatthlainak avun lang tthan ko.Cu hnu zongah kumpi kum hnih chung cu Donald Trump le Russia rian an ttuantti tiah dottletnak an tuah tthan. Donald Trump nih Russia he pehtlaihnak kan ngei lo tiah arak ti nain Media le Democrats hna nih Trump le Russia hi pehtlaihnak an ngei ko tiah an phozar lengmang tthiamtthiam.

Cuticun Robert Mueller hruainak in investigation an tuah tthan tikah Trump sualnak pakhat hmanh an hmu lo.Culawng siloin Trump cu phone call ruangah impeached tuah dingin an timhlamh tthan hoi. Donald Trump cu aliamcia kum 2016 thimnak hlan in tuchun nitiang alamkip lih le hrawkhrawl in sual an puh lengmang.

Tutan thimnak tuah dih hnu ah ningcang loin vote akal i, ka vote an fir tiah atimi zong hi keimah nih ka zumh ko.Abiachim mi arak hman peng cang timi record a um ko cang tiah a chim.Adonghnak ah a chimmi cu Donald Trump caah siseh Joe Biden caah siseh kan ram caah thlacamnak ngei cio uh tiah a chim. Tulio caan harsa chungin an luat khawhnak ding le Pathian duhning atlamtlin khawhnak dingah thlacamnak ngei cio hna usih tiah achim.

Be the first to comment

Leave a Reply

Your email address will not be published.


*