DONALD TRUMP AA SUM KHO BAK TI LO, AHOLH VE CANG

US President tthing Donald Trump hi cu US mipi le US ralkap pawl arak daw hrimhrim timi cu tutan ah fiang tein hmuh khawh asi tthan. Capitol Hill ah National Guard minung thong 5 an tuahto hna ning cungah Trump alungfak ngaingai. Aa sum kho hrimhrim ti lo. Donald Trump nih atimi cu ka Hotel ah riak uh tiah sawmnak a tuah ko cang hna. Hi bia Trump nih alanghter tikah Pelosi le Biden cu ningzak in an um ko lai.

Joe Biden zong hi nihnih khat president atleihnak in amualpho colh. Hi ralkap pawl hna hi Joe Biden him tein President biakamnak a tuah khawhnak dingah National Guard minung 5000 cu Capitol Hill inn chung ah a ummi an si. Sihmanhsehlaw riahnak hmun hmanh ngei loin an tuah hna i Minung thong 5 hna cu Capitol Security Police rian ngeitu hna nih an thawl hna i vawlei tang motor chiahnak heat a um lonak ah an riahter hna.

An riahternak hmun le hma hi zun in pahnih khat lawng a ummi an si i, mah vialte minung hna cu zunzunnak pakhat te cu an hrawnter hna caah khuaci an mui. Mah ruangah rian ngeitu House speaker Nancy Pelosi cu faak ngai in soiselnak a tong. Ralkap vialte hna zong an lung afah pin ah ralkap an chungle hna zong an lung a rak fahnak theih le hmuh a rak si cang. Hi konghe pehtlaiin President hlun Trump cu a um kho tilo.

President hlun Donald Trump nih atimi cu ka hotel ah free in rak riah uh tiah a sawm hna. Social Media le News tampi ah Biden cozah tiang soisel an ton caah Joe Biden nih ngaihthiam a hal than hna. Mah hnu ah Capitol Hill innpi chungah an thial than hna. Hi konghe pehtlaiin nizan ah khan hitihin langhter a rak si cang. Capitol Hill a cawngtu US ralkap thong 5,000 hna cu an duh na loin motor chiahnak ttuang, garage i an ihter nak hna hmanthlak nih mi thinlung a fahter ngaingai.

Ralkap pawl le ralkap chungkhar vialte an thinhung dih ti a si. Republican congressman pawl nih an riahnak hmun ah an rak hnemh hna ti a si. Mah ruangah tuanvo ngeitu bik, Nancy Pelosi cu social media le main stream media nih faak ngai soisel a tong. Tutan thil a cangmi zoh tikah Democrats lungput hi fiang tein hmuh khawh asi. Chirchan: Salai Lairamthang

Be the first to comment

Leave a Reply

Your email address will not be published.


*