DONALD TRUMP A ZOHKHANHTU SIBAWI PA KONGLAM ATURU BAK

US President Donald Trump a zohkhanhtu le a thlopbultu Sibawi Dr Sean P. Conley hi zeibantuk minung dah a si timi hi minung tampi a thei lomi kan um kho men. Cucaah tlawmpal in vun zohcio hna usih. A konglam hi tampi a um ko nain tlawmpal a biapi deuhmi asi lai i, minung tampi athei cangmi kan um ko lai nain a thei rih lomi caah langhtermi asi.

US president a ttuanmi hna cu anmah zohkhanhtu dingah mi cungcuang asimi Sibawi hna hi hawihlei in an thim tawn hna. Atu ah US President Donald Trump a zohkhanhtu le a thlopbultu Donald Trump a sibawi hi Navy Colonel Dr. Sean P. Conley asi. Amah hi kum 40 chung a luh cuahmah lio asi. Cun amah Dr Sean P Conley hi kumpi 14 chung thil athei cangmi asi.

Afghanistan tukdohnak zongah khan NATO Role-3 ah vawlei cung ramkip ralkap vialte caah Emergency Sibawi rian a ttuan cangmi asi. Cun amah hi Notre Dame University of Indiana state in BSc a dihmi asi i, cu hnu ah Emergency medical lei a dih tthan mi asi. Cun aliamcia kum 2006 ah Osteoaphic Medicine a dih rih mi zong a si.

Dr Sean P Conley hi arian abiapit tuk caah a fawinak in chim ahcun vawlei cung hruaitu ttha hna le thil a ti khomi hna pawl an nunnak le an thihnak hi amah kut ah a um tiah an timi a si. Cutluk cun a thiamnak hi an chim tawnmi asi. Tutan ah Trump dirhmun konghe pehtlaiin hitihin a chim. President Donald Trump hi a thi zong a ttha ko tiah a chim.

President Donald Trump cu ningani zan in khan ninga chung a deihmi Remdesivir timi sii Gilead Sciences drug test hmangin zohkhanh ding asi i, mah sii hi phunthum in rian attuanmi asi i, antibodies a bawmh i, taksa ah zawtnak hrik a ummi kha adoh khawh pin ah immune system a tthawnter ti asi. Trump cu a dirhmun zong attha ngai ko tiah an langhter.

Relchih a duhmi caah: Siaharh Mi Tlawmpal Tein:Ca tamdeuh atial mi rel ah hin atam deuh cu CNLD tanhnak kong le chinmi nih cun CNLD chin party mee nan pek bak ding ti mi hi atam liangluang. Biahalnak pakhat CNLD hi chin miphun ahuap khotu party asi maw timi hi asi i. lehnak, Chin miphun dihlak ahuap kho tu party a si lo.

Aruang TANH CAAN, 2025. Chin miphun dihlak nih kan tanh i akan huap ding mi nile thla caan asi ka ti. 2020 cu zei ruangah dah tanh caan asi rih lo na ti an ti hoi than. Ziah chin miphun kan lung aa rual lo Tidim le Tonzaang nih an mah party ah an um, asi lo ah tah hakha le thantlang ah chin party zeizat dah aum i NLD, USDP, UDP, INDEPENDENT.

A dandang party hna an um rih cu mu A ngaingai tiah cun Chin miphun kan dawt i Azawn kan ruah ah cun Chin miphun dih lak nih kan covo kan duh taktak ah cun CHIN party ah kan dir i kan tanh dih ding a si zei ruangah dah kan kuai dih i party dang cio ah kan um timi hi ruah hrimhrim aherh tuk. Pathian nih minung kan thinlung chungah rian atuan Acan Zaa rih lo timi kha theih le fian nak an ngeih cio ruangah asi ko.

Cu caah Pu pa phungthluk hmanh ah sakhi arilh hlanah hnahchawl va pah hlah ti asi i Acaan Azat hlan i mee pek le tanh hi Aphu mi asi lo. Kan CHIN miphun kan dih laak kan lung aa rual hnu lawngah kan i ruah chan mi dothlennak kan savo pi cu kan laak khawh hrimhrim lai.Lungfim tein khua aruat mi nih cun Acaan azaa rih lo an ti cio ko lai. Ruat than rih uh sih Acaan anai cang hi mu.NOTE: Bia thalo Holh thalo in comment i bomh lo ding le tlamtlin lonak pakhat le pakhat zawn ruah nak hi chin miphun kan lungput Pathian duh ning asi. Credit: Mimhrin Aung Sp (Chin News).

Be the first to comment

Leave a Reply

Your email address will not be published.


*