CNLD VOTE KO HNA USIH NLD PITAR CHUN ZAN DIN LOIN RIAN ATTUAN

Chun Zan din lo in Rian a ttuan mi NLD an Pitar. Chin mi cheukhat nih kan hmuh ning ahcun kan Chinram te zong a kan dawt tuk caah kan dawt awk asi tiah anti. A taktak le a ngaingai ahcun Tlangcung mi nih kan ngeih mi Leitangchuak siseh Leicung chuak siseh a tthut denh ah a hman ii kan sinak in kan rak ii ngeih mi Costumes le culture hna si seh.

Kan minung ruah nak le thinlung tiang in ke lamh nak ah hmang in rian a ttuan mi asi hi a thei lo kan tam rih.A tthit cuahmah mi ahkhin i tel ve kan duh ii kan aukhuang kan ttang.Ke lamh nak le Tthutdenh men ah chiah zung zaal cu kan re a thei tuk cang tiah kanpa le mifim hna nih an ii zuam nak hi zeirel lo in kan umpiak hna awk asi lo ii an mah lawng kan rinh hna awk asi lo.

Lungrual tein ttuan tti caan asi cang caah kan thimfung pakhat in Chinram cu a kelamh le a tthut nak si ti lo in a cung ii a phah mi ah kai kho ding in hlei don hna uhsih. Vote CNLD. Relchih tuan deuh attialmi: Zumh ka zumh khawh ti lo Ding mi NLD. Khuachung lam kan Remh Dih lai an rak ti. Cheuthum cheukhat lawng an remh. Dinti ttha kan in pek hna lai anti. Atutiang kan hmu lo.

Hakha thar lam kattaya kan in phah piak dih hna lai anti lung hmanh an phah lo. 2015 lio har tong bawmh nak phaisa le facang an hlauhthlau dih. Ram nuam ah Hakha kan sar lai an ti i kan Inn le kan Lo an kan chuh dih JCB he I Bawm in mipi mithli he an kan chiah. Inn hlang le Sifak saantlai lo ( Inn ngei lo) zawn kan ruat anti ii Phaisaa ting 100 in Inn hmun an kan zuarh hoi.

Mah Inn sak nak thing phorh cu chim hlah rawlchuan nak tih thing hmanh kan phor ngam lo. Mipi caah Rian kan ttuan anti nain a dongh nak cu Arsa ei tti ah an tlak ter hoi. Mei man an kai tar dih hoi ii kan buai zungzaal thla dih lai kan ttih. Ram deih nak sar hi a biapi an ti ii Ram chung ral a karh hoi. Zei tin he kan in zumh in kan in Vote ngam ti hna hnga.

Kan sifah le kan har thuh piak lo in hen pei kan zo nan kan langh chinchin cu… 2015 ahkhan cun Ka pa taktak ah kan rak ruah nain Pa ei nasi kha 2020 ah cun kaa fian caah ka pa taktak asi mi CNLD sin ah ka kir cang. Zei tik hmanh ah Zumh ka Zumh khawh ti lo ding mi Party NLD. Credit: Thawng Lianuk

Be the first to comment

Leave a Reply

Your email address will not be published.


*