CNLD HI TTIHNUNG TAKTAK PEI AN RAK SI HI, LUNGDONGH LO AWK TTHA TI LO

Tulio CNLD party thi dengin a tanh mi hna chungin mi tam deuh hi cu an tanh ning hi an luan deuh ko rua. A ruang cu Dr. Sa Sa le Dr. Lian Hmung Sakhong tiang he tiin an thangchiat mi hmuh tikah tihnung lei khi an si cang, cun a tu lio i CNLD party chairman pu Ngai Sak zong khi zoh tikah puitling lungput a keng lo ti hmuh khawh asi.

Mi nih an ruah nak an tial sawhsawh mi ah he tiah comments a tuah peng hna, mifim le mi puitling nihcun kha bantuk luklak ah khan an comment bal lo a hramthawk ahcun CNLD hi ka rak dirpi bak ko nain CNLD candidates pawl interview tuah nak poah mi thangchiat le mi tlamtlin lo nak lawng an chim.

Cun a tanhtu hna zong nih lu le taw hngal lo in an tanh mi hmuh tikah lungdongh lo awk hrim a tha ti lo, hi ti ningin an kal peng ahcun mi tampi nih an kaltak te lai ti cu a fiang tuk cang, zei poah hi thianghlim tein tanh ahcun lung a tho i tanh a nuam nain hruh tanh in tanh ahcun thil tha nakin thil tha lo tu a chuakpi deuh ton. Nangmah tanh le tanh lo nan ka ti ko lai nain ka hmuhning le ruah nak ka langhter ve mi asi.By Joshua Thang

Relchih:Dr Sasa nih NLD endorsed a tuah hna timi lawng siloin, campaign forced ah aa tel lai timi thawngpang cu CNLD caahcun theih nuam lo ngaimi thawng a si. CNLD nih Chin State Cozah an ser khawhnak lam a um maw? timi ka tial ka lung ah a chuak ngai i, cucu ka von peh ta lai.

Chin State Cozah ser khawhnak hi zeitindah 2008 Phunghrampi ah aa tial timi kan zoh ta lai.State le Region ah Chief Minister cu President nih Hluttaw aiawh chungin CM caah a tlingmi/qualify mi a thim lai i, mah a thimmi cu State Hluttaw nih approval/cohlangnak an tuah lai tiah aa tial.

A pehmi cu “President nih CM caah a thimmi cu CM caah a qualify/a tlingmi a si ko ahcun, Hluttaw nih an reject lai lo” tiah President nih a thimmi paoh cohlang ding hrim in tawh an hrenh.Asinain, President nih CM caah a thim dingmi hi Hluttaw representative/ MP chung in ti lawng a si caah, NLD or, CNLD or, USDP or Ralkap chung zong in flexible ngai in thim khawhnak lam a ngei tinak a si.

Tambik MP a tlingmi tbk kher aa tial lo caah, a duhmi paoh a thim khawh hna tinak a si rih.Cutin a si ko nain, CNLD nih golden chance pakhat an ngeihmi cu, Chin State Hluttaw Seat 24 chung ah MP seats 12/ majority in an tei ahcun, President nih CM a thim tikah CNLD chung a si lo ahcun, fawite in Hluttaw ah an reject khawh ve i, anmah chung hrim in CM thim dingin dealing tuah khawhnak lam bite an ngei.

Zeicatiah, Chief Minister nih Cabinets a form lai ti a si tikah, Chief Minister a tlaimi Party paoh hi Cozah a sertu an si ko hnga.Chin State Hluttaw ah MP seats 24 a um i, ralkap nih 6 an co cia caah, 18 a tang. Mah 18 chung ahhin 12 a hmu khomi paoh hi majority in teinak a comi cu an si hnga.

CNLD nih seats 12 an hmuh khawh lo ahcun, an caah Cozah sernak lam a um lo tluk a si.2015 ahkhan Rakhine le Shan ahhin anmah Party hi tambik an tling. Asinain Majority an phan lo. Cucaah, NLD thiam nih Cozah a sernak kha a si. 2020 ahhin CNLD nih Chin State Hluttaw ah Seats 12 an hmuhnak ding lam a um maw? Credit: Zasang Cinzah

Be the first to comment

Leave a Reply

Your email address will not be published.


*