CNLD CU ZUAMCAWH PHUN ASI LO CAKEI NAK IN TTIH A NUNG DEUH

CNLD Hi Zeiruang Ko Ahdah Chikhat Lo Teah Mupi Bantukin Atthawn Hnga? CNLD cu kum khat hmanh a tlin rih hlan ah tihnung in a thangcho. CNLD hi a thawng a cak bak ko ti a langhnak cu dotu le soiseltu tampi a ngeihmi hi asi. Pakhatpa fb wall hna ahcun CNLD soiselnak le Hruaitu upa pawl pumpak bakin thangchiatnak in a khat.

Cucu nih a langhter mi cu CNLD hi a rak tihtuk tikha a fiang. A mah lawng siloin mitampi zong nih Pawpi tih in an tih cio ve ko. A hohmanh an mawh bak lo, CNLD cu a zuamcawhtu hna caah Cakei nakin tih a rak nung deuh hrimhrim ve caah asi ko.Zeiruang ahdah CNLD hi chickhatlo teah a cak tuk hnga tihi ruah awk aum. Keimah ka hmuh khawh tawk mi a ruang hna cu,,

Pakhatnak. CNLD party cu mi pakhat hnih bochan men in dirhmi asi lo (Not Personalistic Party). Tahchunhnak i chim ahcun NLD bantukin Daw A.S Suukyi pakhat thil tikhawhnak bochan in dirhmi party asi lo. A sullam cu hruaitu upa hna nih an thihtak maw an kaltak zongah a rawkrel dingmi party asi lo. Cheukhat Party pawl cu an bochanmi hruaitu upa anum tilo ahcun a vaivuan ding mi an um.

Pahnihnak. CNLD Party cu Pumpak thil tikhawhnak nakin Mitam u Ruahnak le mitam u fimnak in aa ukhruaimi (Collective Institution) asi. Tahchunhnak i chim ahcun NLD bantukin an Chairwoman duhning le pumpak fimnak in a kalmi party asi lo tinak khi asi. CNLD ah Pumpak power hman khawh asi lo.

Pathumnak. CNLD cu a fekfaimi Phunghram le Upadi tha tein a ngeimi asi, Cun Chin Miphun caah Tinhmi le tuahdingmi (Vision and Implementation) policy puitling tein a ngeimi asi. Palinak. CNLD hruaitu taktak cu Upa minung siloin Phunghrampi le Upadi nih a hruaimi party asi. Ahohmanh CNLD Upadi cungah nawlngeihnak aum lo i, sikan tang le tinhmi cungah a kalmi (Programatic Party) asi. Hmailei Hruaitu (Next Generation) caah Mino tampi a hrin manh hna.

Panganak. CNLD dirkamhtu hrimhrim hi pengtlang thinlung a ngeilo mi ansi i, Chin Miphun Pakhat (One In Chin) thinlung a ngeimi an si hna. CNLD hruaitu lutlai chungah kan tlang le kan peng an umlo timi ruahnak biite a ngeimi an um lo. A sullam cu Chin miphun caah Chin Party hi a tha cem ko tiah ruahnak tha le ruahnak kau a ngeimi ansi hna.

A cunglei kong pawl ruangah CNLD cu a cahnak le tihnung in Mupi bang a t’hawngnak cu asi. Miphun dawtnak thinlung ruangah CNLD cu tei awk thalo in a cak chin lengmang lai. A t’hawng chin lengmang lai.Hmunkhat te ah riantuan t’i poh hi Lungrualnak asi lo. Pakhat le pakhat i upat, i bochan le i zawnruah tuhi Lungrualnak asi deuh. (We are not a team because we work together. We are a team because we Respect, Trust and Care for each other). Credit:Jacob R Thang