CHINRAM CORRUPTION LE BEIRUT BOMB PUAHNAK BY ZASANG CINZAH

Chin State Corruption le Beirut Bomb Puahnak.Lebanon cu an cozah a corrupt tuk ruang ah minung 160 nunnak a liam i, innlo 15 Billions man renglo a rawk pinah, minung ting 3 hlei innlo in an um. Mizapi thinhunnak cu mei alh in a alh. An cozah dihlak iphuak viar dingin an hal hna. Cucaah, nihin ah an Prime Minister cu “ka din lai” tiah a ti.

An cozah ningpi in idin viar dawh an si. Corruption nih zeitluk indah ram ning a zahter? Nizan ah Chin State Chief Ministe Pu Lian Luai interview ka zoh. “Eihmur/zikhnawh nan theih ahcun report u ka ti hna i, aho hmanh nih an report lo” a ti. Eihmur/zikhnawh a um taktak lo ti kha a langhter. A ei ruk cuahmahmi cozah sin ahcun aho nihdah na ei kha? tiah a va report ngam lai?

USDP chan lio ah “Anti-coruption Law” an ser i, “zikhnawh a pe tu he, a latu he dantat a si lai” an ti. A sullam cu zikhnawh a petu nih phuang ngam hna hlah seh tiah a petu zong dantat dingin, a eitu rungvennak an telh. Zikhnawh cu a “petu le a latu” karlak lawng a si caah, zeitindah dandat ding aa theih komi, minu, mipa nihcun an report ngam hna lai?

An report ngam lo ding an theih caah, ralthate in zikhnawh cu an lak thluahmah ve ko lai. Report a um lo an ti peng hnga. Cucaah, zikhnawh a um cu an theih ko. An hmuh ko. An hngalh ko nain, coruption cu hnu an chit. Amak ka ti.Lebanon, Beirut ah a puakmi, “ammonium nitrate ton 2750” kha anmah Lebanon ta a si lo.

Africa ram ah a ummi, Mozambican EM company nih an cahmi a si i, Russia tilawng nih a rak phawrhmi, Lebanon Tilawng dinnak/port ah an tlaihmi a si. A cahtu, Moçambique ram ah langhter cang diam ding thil a sinain, corruption ruang theu ahcun kum 7 chung an ichiah i, a puak beh. Vawlei cung theih in an mual a pho.

2020 Election ahhin NLD an si ah, USDP an si ah, CNLD an si ah eihmur mit a au dingmi Candidate cu vote pek lo ding a si lai. Abik in mizapi vote kha Phaisa thazaang in lak/ hmuh aa timhmi Candidate an um ahcun, direct in hrial colh u. MP nan tlinter sual hna ahcun Campaign lio ah a hmanmi Phaisa vialte kha eihmur in hmuh tthan ding aa zuam ve lai. Chin ram a tthatter khotu cu mizapi kan si i, mizapi nih a felmi, a dingmi hruaitu kan thim khawh ahcun, cucu thangcho a si ko.Credit: Zasang Cinzah.

Relchih mipi an lau dih: White House Pawngah Meithal Kahnak.President Donald Trump cu tuzan lei ah White house ah press conference a tuah lio, minutes 18 tluk a rauh ah President Trump a vengtu secret service agent pakhat nih laakhruak in a auh i, leng ah chuah a hau”tiah biathli a rak chimh i, a kalpi colh caah press conference cu a ngolh colh.

Press Conference ah a rami thawnglatu vialte cu an ar dih.White house inn pawngah secret service nih minung pakhat cu lam cungah an kah i, ambulance in sizung ah an tlikpi ti a si. Mi zeibantuk a si an hngal rih lo. Atu lio lamzawh a hmangmi, BLM timi minak ttanhtu pawl maw an si, ANTIFA timi left wing pawl dah an si timi theih khawh a si rih lo.

A rauh hlan ah secret service pawl nih fianternak an tuah te lai ti a si.President Donald Trump cu minute 8 tluk oval office ah a va dinh hnu ah secret service pawl nih Press Conference tuahnak ah kal khawh a si cang an ti hnu ah Press Conference tuahnak khan a rak phan i press conference cu a dih tiang tluangte in a peh than. President Donald Trump hi pakhat khat cang sual sehlaw, a ngaihchia bik dingmi cu evangelical khrihfa an si lai. A lawm dingmi cu Liberal Democrats pawl, BLM, LGBT le socialist pawl an si lai. Credit: Salai Lairamthang