SALAI VAN BAWI MANG NIH CDF KONG A CHIMMI CU AMAK NGAI

Catialtu: Salai Van Bawi Mang. Chinram ah CDF a vun dir i mipi an i lawmh lio ah kei cu kaa lawm hrimhrim lo. CDF mino hna hmang in kan duh mi Federal Democracy kan hmu lai ka zumh lo caah a si.A lak in mino tthattha nunnak liam lai ka zangram ngaingai. Mino tthattha ram le miphun caah thih ngamh loin nun tu kan ngamhpiak hram uh. Chinram um Ralkap thonghnih an thih zong ah an dih nai lo.

Karen, Kachin, Shan, le Chin etc… hna nih i kapnak in nunnak zeizat an pek cang i Federal Democracy kan hmu maw? Karen le Kachin hriamtlai kum 60 reng lo ral a tu cang mi hmanh nih an mipi an veng kho naisai hna lo.Cikhat lungthawhnak men thil tuahnak nih hlawhtlinnak a hmu hrim lai lo. CDF nih Chinram le Chinmi a kan ven khawh lo ding a fiang.

Mah CDF ah hin kan unau hna an um cio maw? A lang in miforh cu a fawite. Mi kut in rul tlaih cu a fawite. Ramleng in meithal e kuan e ti cawkpiak cu a fawi men lai nain a hmun i SAC ralkap minung nunnak zei a rel lo mi va doh ding hi thil fawi si lo. Rampumpi in cawlcanghnak um ttung lo cun CDF lawng cawlcanghnak nih Chinram himnak si loin Chinram caah sunghzatlaknak a si kho.Kan duh mi hmuhnak caah thim ding laam kan thiam hi a biapi ngaingai. CDM tu hi a laamkip in kan ttanh ding ah a biapi in ka ruah peng ko.Fb zoh ah a lang in CDF nan forhnak hna lawngte si i lung a nuam hrim lo. Credit: Salai Van Bawi Mang.

May be an image of text that says "CDF"

Thawngpang Relchih:Tamu ah SAC nih rian an pek mi Vuito khuabawi inn ah meithal a puak, a fanu tel in pahnih an thi. Sagaing ramthen Tamu peng Vuito khuabawi U Tan Myint inn cu May ni 4 zingka 1:15 hrawngah mi cheukhat nih Lai meithal he an kah hna caah Khuabawi chungkhat a si mi pahnih an thi, Khuabawi belte cu a luat tiah theih a si.

U Tan Myint hi ralhrangbu nih uknak an lak hnu ralhrangbu nih khuabawi ah an khinh mi a si. A fanu Daw Win Thu Zar le Maung Min Khant Naing cu an thi, An chungkhat a si mi Daw Ngyut San cu hma a pu i siizung ah an chiah tiah theih a si.Cu ve bantukin Zahan May ni 4 zan lei ah Sagaing ramthen Khin-oo peng Wonkyi ah a um mi Kyikan ohsuh khuabawi U Ngyi Pu zong a ho ti theih lo mi cheukhat nih an velh caah a hngawng tan in a thi tiah theih a si.

Be the first to comment

Leave a Reply

Your email address will not be published.


*