CHINLAND DEFENSE FORCE LE CNA CAAH A BIAPI TAKTAK MI THIL PAKHAT

Catialtu: Saya Tluang Ceu Thang. Kan Ralkap CNA/ CDF nih i ralrin ding mi thil biapi pakhat. Ral kan tuk tikah raltuk a dih hlan bak ah raltuk lio live thlah le facebook cung hmanthlak tar kan hman. A tak cun ral a tu cuahmah mi sihtan (hmaikal) ralkap hrimhrim nih ralkap tlaihmi i chawnhnak Walkie- talki phone dah lo cu simcard le internet data ummi phone i tlaih lo ah a tha bik.

Cucu kan him nak a si lai tiah ka ruah. KIA ralkap pawl an dirhmun pakhat te i cawn awk ka duh ngai mi cu ral an tuk tik ah an hmaikal ralkap pawl khi live thlah chim lo phone hmanh i put ter an duh hna lo. Mah belte an lak ah ral an i tuknak record a rak latu cu an um ve i mah pawl tu nih cun heh tiah record tha tein an tuah i ral an tuk dih hnu ah hmanthlak he tling tein mipi sin zamhnak an tuah tawn.

Nai hrawng KIA raltuk lio live thlah hmang pawl khi KIA taktak an si lo.Hi kong hi biatak deuh in kan ralkap nih ruah ah a tha. Caan saupi ral kan tu kho men. Kan Phone ah data / internet hna a um hrimhrim i kan on ah cun kan umnak khi Ralhrang pawl nih fawi tuk in an theih khawh mi a si caah phone facebook le internet kong hi kan i ralring ah a tha.

A herh cun raltuk lio record a latu ser i anmah nih tha tein la ve hna seh. Raltuk a dih puai a dih cang ti hnu ah mipi sin thanh ding si ko. Raktuk lio live thlah le thawngzamh hi Kanmah le kanmah Dalan kan tuan bantuk si.Mipi lei zong i ralrin ding si ve. Ralrin nak ca le siaherhnak he, Credit: Tluang Ceu Thang.

Thawngpang Tha Taktak CDF CNA Lawng In Battalion Kul Le Nga Renglo Kan  Tling Cang — Chin Miphun Tlangau

Thawngpang dang: Thantlang khuami a tam deuh an zaam, Thantlang-Hakhar kar lamli lo ding ralrin pek. Chin Ramkulh, Thantlang khuapi chung le pawngkam hrawng kahdohnak a chuah ca ah khuami a tam deuh cu a him nakding hmun ah an zaam i, TRC nih Hakha le Thantlang kar khual tlawn lo ding le i chawhleh lo ding in mizapi sin ah ralrinnak ca mizapi sin ah a tial.

Thantlang khuapi chung ahhin August 25 ah a voi khatnak cem a chuak i September 7 ah aa thok than tiah CDF – Thantlang nih cathanh an chuah mi chung in theih a si.Thantlang khuami pakhat nih, “Khuachung i kahdohnak a chuak hnu khuami a tam deuh hi cu mahle chungkhar himnak a si lai ti ruahnak hmun cio ah zaam dih a si. Khua a hlum mi hi kan tlawm deuh cang,” tiah a chim.

Cun, Thantlang le Hakha kar kong he pehtlai in TRC nih, “Thantlang le Hakha kar ah mizapi nan him khawh nakhnga i chawhleh rih lo ding,” tiah Facebook cahmai in mizapi sin ah ralrinnak ca a tial. Thantlang khuachung i SAC mithat phu nih bomb thlak ruang ah kum 15 ngakchia telh in minung pathum an nunnak a liam, hliam a tuar mi an tam.Cun, khuachung kahnak ruang ah inn pakhat zong ciam dihlak in a kaang. Hakha le Thantlang kar lam zong ah SAC mithat le CNA/CDF ralkap kar kahdohnak a chuak pah tawn. SAC mithat lei zong tampi an thah khawh hna. THP

Be the first to comment

Leave a Reply

Your email address will not be published.


*