CHINCHIN PEKTHANG BIAZAI CU RELCIO HMANH UH ATURU KHO TUK

Tutan thimnak ah CNLD in Thantlang Pyine Hluttaw No 1 ah zuamcawh aa timmi CHIN nusalttha Chinchin Pekthang nih biazai a ttialmi cu attha tuk hringhran. Biazai tiah kan ti bangin a cabia ttialmi zong hi cadang relsawh sawh bantuk in rel ding asi lai lo. Biazai relning tein rel ding asi lai.

Zeicaah tiah biazai ttialmi hi carel sawhsawh men in rel ahcun athawtnam a sunlawinak theih khawh asi lo i, a thlumnak siseh abiapitnak vialte atlau tawn. Cucaah biazai relning tein kan rel ahau tiah tlawmpal te ka vun langhter duh. Chinchin Pekthang nih attialmi cu atanglei bangin hin asi.

Chinram a rim hmuitertu ding tlang pangpar, Chin miphun covo laak tthan dingah Lai nusal ttha, Chin zatlang aiawhtu ding pumpek kan palai, Mirang kut tangah kum 60, Kawl ke tangah kum 70, Kan naunak a sau, Kan tuarnak a faak, Kan fanaule fimcawnnak, Kan mizapi sifah dohnak, Nu le ngakchia mino nuncawinak, Lawm in Pathian kan thangtthat khawhnak.

Pumpak le chungkhar ca menmen ah si lo, Meikhu cuan le cang-ai khorh ramkhel ca si lo, Eihmuar ziknawh thleidannak um lo, Miphun covo khuakhirh tthan ding, Miphun damnak ding, Pumpek in par dawh palai, Man sung khun kan vote kan kan pek lai. By Chinchin Pekthang.

Relchih aduhmi caah thawngpang thar:CNLD party nih Pu Reubin report an tuah caah an buai ngai.Pu Reubin(Zokhua) hi CNLD a chuah tak i Pu Lal Maung Cung hruaimi CNP party in thimnak luh aa tim, nain CNLD nih chuahnak ca an pek duh lo. A hal lengmang hna nain an pek duh lo caah party chuahnak ca tel loin Election Commission zung ah form a ap.

Tuni kha candidate pawl fehternak biahal a si. CNLD phu nih Pu Reubin cu ‘party in chuahnak nawl kan pekmi a si lo, MP aa cuh kho lo’ tiah commission zung ah report an tuah. Tutiang ah cun commission nih biachahnak an tuah rih lo, Pu Reubin cu lungrawk ko.CNLD party ka chuah tak tiah ca ka chiah i an cohlannak ca pek ding ah ka hal lengmang ko hna, an ka pek duh lo.

Atu ah anmah lila nih party chuahnak ca a ngei lo tiah an ka report than cu a poi taktak’ tiah Pu Reubin nih a chim.CNLD an lungput hi khuaruahhar ngai cu a si ko. Report an duh ruang ah chuahnak ca an pek duh lo kha a si. Kawl bawi uknak kan doh an ti nain anmah lehlam hi Kawl bawi biachahnak aa bochan bikmi an si.

Pasal taktak le vakok lungput a ngeimi nih cun a thurhnawmmi tuahsernak in tei i tim ding a si lo, mipi vote in tei i tim ding a si. Report tuah in midang thlak timh cu ralchia sanghrang lungput a si, nan party logo i vakok kha phoih than ulaw zoh nan i dawh deuh hnga. Credit: Salai Lungthlitum

Be the first to comment

Leave a Reply

Your email address will not be published.


*