CHINCHIN LE LAL MAUNG CUNG AH AN DIRHMUN AN TUAK NING

Chin politics waves cu aa thleng lengmang ve ko hi. Thantlang, Pyine No. 1 ah Pu LMC an thlah hnawhmi, Chin Chin Pekthang cu a thawngpang a ttha lem lo. CNLD CEC lei in Pu LMC le Pu TS an phuahmi hna cungah anmah tlangleimi tampi cu, biatak tein an ngai a chia. An lung a fak tiah an chim. Cutin, an ngaichiatpi lio ah anmah tlangmi lila/Chin Chin a von i rolh tikah, an ngai a chia chinchin.

Hitluk LMC an tuahto fah ah Nangmah lila nih na von den/phawmh chih ding cu a si kho lai lo” tiah upa tampi ruahnak ah um dawh in an chim. Cucaah, Chin Chin an vote ahcun, LMC kha a hma cia ah sobul in an denchih bantuk a si lai caah, LMC vs Chin Chin ahhin LMC hi an dirpi deuh te men lai tiah an tuak. Cucaah, Chin chin zong tling lo, LMC zong tling lo. An pahnih tling lo a fawite tinak a si. Note: Hi kong ah a thei deuhmi nan um ahcun von comment te tuah ulau.

Mah zonghi relphu ngaingai asi: CNLD in a dirmi le Independent in a dirmi an dirhmun khi aa khat nawn ko tiah ka timi ka von peh tthan tuah lai. Amyotha le Phithu Hluttaw ah aa pemi independent le CNLD in aa pemi khi hei tling veve sual hna sehlaw, Naypytaw an va phak tikahcun, an dirhmun a va khat ko lai. Opposition dirhmun in an va dir veve lai. Independent hi flexible ngai in an duhmi Party lei ah an ikawp kho lai.

Party dirhmun in a kalmi belte cu an party policy zoh in ikawp awk le kawp lo awk a um ve hnga. Chin State Hluttaw ahhin CNLD Party nih Cozah an ser kho lai lo tiah 100 ah 90% cu ka hei tuak tikah, opposition cio cio ahcun Party in a dirmi le independent hi an dirhmun aa va khat ve thiam ko lai. A cung lei kan langhter bantuk in independent hi flexible ngai in an duhmi Party paoh ah ikawp khawh an si lai.

Cucaah, 2020 election boruak ahhin Independent in aa pemi hi an dirhmun a chia lo. Zeicatiah, Coalition Cozah ser hna a herh sual ahcun, Independent pawl caahhin that ngai dawh a si. Catialtu Zasang Cinzah

Be the first to comment

Leave a Reply

Your email address will not be published.


*