CHIN RAM A PAWFAK, NLD AN SUNG BAK A SI AHCUN

Chin ram a paw a fak.Thimnak cu a hung naih chin lengmang i Chin ram a paw a fak chin lengmang.Chin ram ah miphun 50 hrawng kan um i miphun in politic a khel mi tam pi kan um.Chin mi cu khuaboi kan thim tik ah khuachak khuathlang khuahlun tiah a sangsang in vote kan i pek hi kan ziaza bantuk asi.A tu MP i cuh ding a hung si tikah a peng a tlang miphun a khua in kan ttanh.

Minung ziaza a ttuanbia le a liklak a tha le a tthalo zoh kan i timh ti lo.A party dir hmun a fek le fek lo a zoh duh lo mi kan tam.Minung zong zoh party zong zoh chih bak ding tiah ka zumh.Party zoh lo in kan vote men ah cun hmai kum ah party kha ti nih a fenh sual ah cun kan kut zapher kan i liah ko lai.Party a ngan mi a si zong ah minung kan zoh lo ah cun minister a tuan tik ah a eihmuar sual lai.

Chin ram chung milu hi (1990 kum thimnak cazin)Monyua မုံရွာ myohne nak in kan tlom deuh.Hi minung tlomte chung ah a peng a tlang in politic kan khel chinchap ah cun kan mee hi thli choih ter men khi a si te lai i Chin ram chungril cu a fak chinchin lai.Chin ram a rak dawt ngai mi hna an lung ai let kho.Hlan lio RC pope(John pawl) kha Chin ram a dawt tuk caah Hakha ah Bible sianginn ngan pi kan tuah piak hna lai a rak ti.

Chin miphun mifim hna nih miphun le a khua in an i cuh caah a ngolh tthan.Kum upa deuh cu nan theih cang ko lai.Pope nih zei bia dah a kan ro tak ” Chin miphun cu thil ttha ka tuah piak hna ah cun an i thah an i nawn lai”a rak ti.Banabia ah Hakha nih Hakha rumro vote pek ding kan ttanh ah cun အလိုလိုin khuadang kha an khua in an ttanh ve cang lai.

Zophei miphun nih Zophei pa rumro vote pek dih ding bia an chim ah cun Senthang Mara zong an i zoh chunh ve ko lai.Hihi thil tthat lo taktak asi tiah ka zumh.Cun Chin ram a ngandam a thancho ding ah cun Kawl ram pumpi uknak a that hmasa cem a herh.Kawl ram pumpi a uk kho ding party cu NLD le USDP(ralkap) hna hi an si.Kan theih dih ngot bantuk in Kawlram pumpi a cozah party nih state a cozah ser chih dih ding a si hoi.

Chin party nih Chin ti mi min in politic an khel i NLD mee pek hlah uh Kawl party an si tiah au khuang mi hi Chin ram uico bar zong ah a poi lo ti bak a si.2008 upadi rem hnu i Chin party zong nih acozah ser kho ding upadi a um cang ah cun a poi lo. 2020 thimnak ah NLD a sung cikcek ah cun USDP cu can ttha an lak lai i hluatdaw chung ralkap khi an tam chinchin lai.

Kawl ram pumpi a paw fak chin lai i Chin ram zong a dam kho lai lo.Cu caah party zoh minung zoh in mee pek uhsih.A tlau kho mi party mee pek hlah uhsih.Chin mi nih NLD vote kan pek lo zong ah acozah a ser tthan thiamthiam ah cun NLD nih a kan dawt mi hi ai let than ko lai.Chin mi cu 88 kawl mipi thisen man a lak in kan co ve hi a hman zia thiam ah cun Chin ram hi a ngan a dam lai i a thangcho lai. By Hlei Thang