CHAIRMAN PU ZING CUNG ZONG NIH A RAK FORHFIAL CANG HNA

A bi tukmi le milu a tlawmtuk rihmi Chinram chungah Chin Party nan tam tuk, hmunkhat ah ifonh ulaw Chin miphun dihlak kan vote aa hlum lai pinah Chin miphun lungrualnak afek lai i teinak nan hmuh lai” tiin 2010 in 2018 tiang Chin mipi dihlak kan au, Biaknak lei kan pa le vialte an au.

Kan mifim thiamsang ramchung ramleng vialte nih Chin Party hruaitu paohpaoh an forhfial hna. CNF kan pa le 95% nih ifonh u tiah an ti hna. CNF Chairman Pu Zing Cung pumpaak bak nih a forhfial hna. Cucaah mipi aw-an le biaknak lei le vawlei lei hruaitu Chin mifim thiam hna bia ning tein 2019 ah an ifonh dih i a min ah CNLD tiah min an pek.

Hi ti i an ifonhmi hi Chinmi phun chuak tti thisa khat nangmah le keimah zawn an ruah caah le Chin miphun le Ram an dawt taktak caah asi. Chin mipi dihlak nih kan forhfial hna bantuk tein hmunkhat te ah an ifonh cang hnu le Chinram chungah Chin min pu party pakhat te lawng um kan duh cio lio ah, CNP party an dirh tthan hoi.

I, Kim Jong-un bantuk ruahnak angeimi le MP asi lio ah eihmuar minthang nih a hruai hna lai ti thawng theih cu ngaihchia si. Chin miphun lungrualnak hrawktu, mipi zeirel lo le mah karkalak lawng a bihmi cangvet ruahnak asi. Thantlang peng lawng loin chin mipi dihlak nih kan vote acheu, cheu chin hmanh pek hna lo ding.Credit: Van Dawt Lian

Relchih: Ziah Salai Lungthlitum Miphun Caah Diknak In Rian Attuan Kan In Ti ,Atu Thawngpaang Ah Dai Ziar In Na Um Ko.Salai hi mino ahcun kan miphun sinah awka zong a ngei i limhang zong a ngei ngaingai mi a si i,a cawlcangh ning tete zoh tik zongah upat ka peek ngaingai tawn mi pa a si.Mah hnu zongah i zuam chin lengmang dingin duhsaknak ka peek. Salai hi cuhlan ahcun kan miphun chung in zeimaw a buai mi a um ah maw thil diklo tete a um sual ah maw heh tiah a aukhuang i, kan theih lo mi tete zong a kan theihter tawn i, a sinah theihtlei tampi zong kan ngah.

Mi sawiselning tete zong kei lebang nih cun ka thiam phah pah ngaingai i, ka cawnnak pakhat a si tiah a lamkip in ka ruah mi a si. Asinain, timi belte a um ve mi hi a poi ngaingai. Mah cu zeidah a si ti ahcun, CNLD zeimaw an buai ah le atu CNP thencheunak kongah siseh CNLD party lutlai chung in cuhlan an cawlcangh ning tete Lai mipi sinah faak taktak in a thanh hna i, mitampi thinlung zong a kan zawr ter ngai.

Mah lio ah ziah diknak kha miphun caah a aupi lengmang ttung ahcun a tutan i, Halkha lei NLD zeimaw tete a um mi le Thantlang zongah NLD chungin zeimaw a um mi ah hin ,CICUA(Cengkawl) bang dai te in a thu ko hnga, ti hi ka khuaruah a van har deuh i,a mah ve lobang a dam lo le maw a sihnga aw, ziah a tulio Chin ram ah Cozahnak a tlaitu pawl nih an rianttuannak tete an diknak le diklonak tampi chimding a theihtung ko lai i,riitte thi bang a daih ziar ko hnga.

Cun, a tu, Halkha le Thantlang i NLD thawngpaang hna hi teh dai ziar in a thutpi ko hnga? CNLD/CNP pawl kong cu an mah CNLD membar’s pawl hmanh nih an theih thlu mjanh hlan ah mipi sinah a rannak in a thanh khawh tung ti hi a si.Miphun caah diknak kan kawl i kan cawlcaangh taktak ahcun,thleidang lo tein phomh thluahmah ding an si. Cu si lo in mah nih ttanh mi kongah dai ziar um i,ttanh lo mi kong ahcun luakchuak in aukhuan tibantuk hi cu,Salai a dik lo deuh hlah maw ka ti.Khah van ihrim law, Halkha le Thantlang NLD pawl an cawlcanghning,an dirhmun cu van kan thanh than kho veding in zaangfah kan nawl.Kai lawm. Pu Tin Duh Thang