CHAIRMAN PU DAVID NGAISAK BIACHIM CU A TURU KO

Democracy vs Tlangcung mi: Pakhatnak. Mirang kut in Zalon nak Kan hmuhco hnu kum 1948 in kum 1962 tiang Ralkap 25% I tello bakin Democracy cu 100% kan rak hmuh co cang hna. 2. Democracy Ukphung ah cun milurel tam deuh mi hna duhning in rampi cu Ukhruai asi caah Milurel in an tlawm deuh mi Tlangcung miphun hna caah cun Ṭihnung Tuksapur (Rapthlak) khi asi cang.

Pathumnak: Democracy 100% kan hmuhco lio caan asi mi Uk Sang hruai mi Pha-Sa-Pa-La Uk chan hmanh ah, Kachin ram (3) cu Bahu cozah nih Tuluk sin ah apek diam. Kachin mipi le Kachin Palai hna hnatlak pi nak lak lo in le Kachin mi hna duhnak he ralchan bak in thil an tuah mi asi.

Palinak. Cu ve bantukin 100% Democracy in kan I Ukhruai lio caan; 1961 kum ah; Tlangcung mi phun hna le Krifa hna duhnak kha ralchanh in rampi cu an hruai. Chin, Kachin, Karen le Tlangcung mi Krifa hna nih hechet tiah an dohdal buin; Buda Bada kha Kawlram pumpi Biaknak ah nawl a chuak. Cu ruang ah KIA (Kachin Independent Army – Kachin Zalen nak Ralkap bu) asimi KIO (Kachin Independent Organization  Kachin Zalon nak Bupi) aa sem chuak ve.

Panganak. Tlangcung mi hna nih (Chin Miphun telin); Hlutdaw ah Ralkap 25% an um lo hnu tu ah Miphun Party mee pek ding: Democracy tling kan hmuhco hnu tu ah; Tlangcung party hna cu mee pek awk asi: tbk hna hi cu Palh Cikcek mi le Pakhat khat nih Lih le hrawkhrawl in; thli bia an rawnh hna tu asi caah: Ramkulh to mi Tlangcung miphun hna nih; I ralrin bak ding mi zong asi fawn.

Paruknak. Atak le abik in kan herh mi hna cu tang lei btk in an si. Hlutdaw um Ralkap 25% kan hrawk khawh nak ding caah; (1) Ramkulh to Tlangcung mi party hna: (2) Kawl rawn kulh (7) to; Tlangcung mi hna; (3) Federal Democracy a duh mi Kawl nih hruai mi party vialte; nih “ Democracy hmuhco nak le TLukruan nak caah; Mah tein khuakhan LAIREL nak Tling khitkhet tein aatlum mi; Federal Democarcy Ramkomh sersiam nak ah: Lung rual tein / Lungkhat thin khat tein / Kutsih in kan ṭuan ṭi caan tu asi deuh.

Pasarihnak. 2008 phung hram pi cu Party pakhat nih zeitik can hmanh ah remh khawh lo ding mi asi. Abik in Tlangcung mi party hna I tel loin remh khawh bak asi lo. Ralkap hna hnatlak nak le cohlang nak I tel lo bak in 2008 phunghrampi cu remh ci asi lo. Cu caah phung hram pi remh hnu ah Tlangcung party hna cu mee pek ding asi ti mi hrim hrim hi cu: Ramkhel kal sual hna I Setan Gospel asi caah I ralrin bak ding asi.

Pariatnak. Tuanbia ning in cun Chin miphun le Tlangcung mi hna cu a tu le tu hlenh mi hna le a zungzal in an kan hlen zung zal mi kan si. Voi khat te lawng an kan hlen ah cun kan mah sual asi lo nain voi 2 hlen kan tawn ahcun, Kan mah sual bak asi cang. Techin fapar tiang in hlenthawi nak tawn kan duh lo ahcun Miphun party kha vote pe ko uh.

Tlangcung miphun hna cu Hlenkhawh mi si nak in I hlihphuah cang ding kha velhlei tel lo; Lungtak Dawtnak le zawn ruah nak ka hung tarlan mi asi.Fianter nak; CNLD Chairman, Pu Salai. David Ngai Sak Ṭial mi kha, aatlak ning in ka leh mi asi. Kei mah btk in LAICA le LAI holh lawng cungnung cem ah achiah zungzal tu Phuntung tu le ram daw tu LAITLAI ka Unau hna caah”. By. Saya Rungkaw

Relchih: Professor Unity Ham, MASU. Zeitin na ruah ve? 21st Century Pinlong Conference Le Chinmi: Biapeh, University Professor Zong nih Miphun Party lo Adang lam in cun kanram le Miphun Dam nak lam a um lo an ti ve Cang. 21st century pinlong conference kha zeiruangah dah Falam, Halkha, Thantlang, Matupi, Mindat, Palewah, Kanpalet chungin Palai kan itel khawh lo? (Kha lio caan kha kan pa le pawl an mithmai zeitluk in dah a hei biit hnga mu.)

Chin State kong cu pinlong ah biachim kho mi Tedim lawng ansi. Zeiruangah Chinram in Tedim lawng an itel khawh? Chinram ah Tedim cu lungrualnak (Unity) an neih caah asi. Tutan 2020 thimnak zongah Tedim cu an mah Zomi Party lawnglawng votes kan pek lai anti tthiamtthiam ko. Upat awktlaak ansi. Chinram myone vialte nih an hnu in dawi an hau te lai tizong a fiang ngaingai.

Lungfim kan cu cang. Ramkhel lei le Biaknak lei kan pa le bochan mi vialte nih CNLD ah kan dir ahau cang anti mi khi fek tein pom cang hna usih. Ramkhel kongah mitdei ka mi kan mahpawl luklak bantuk in facebook i a aukhuang lengmangmi CNLD doh tu bia pawl khi cu…,zum hram ti hna hlah usih. Chinmi kan Lungfim a cu ve cang.

A voi 2nak pinlong conference tel ahcun kan khua/ram kong kan Palai hna nih chimnak nawl an neih ve hrimhrim a herh cang. Mah cu asi khawhnak dingah, kan mah ram ah kan mah party nih teinak an hmuh a herh cang. Kan tlai sual lai. Note: Pumpaak hmuh ning asi caah, mah le hmuh ning cio zalong tein caihmai khawh asi. Laknak. Saya Rung Kaw