CELH DING BAK ASI LO, SANGTE A THIH LAI NI BIA ACHIMMI LE A THIHNING

Kalaymyo ralhrang ralkap nih an kahthahmi Zosangliana thihnak konghe pehtlaiin a hawipa Lakhriatrenga nih a chimmi asi. Achimmi cu Sangte hi kanmah he rampi zalonak caah adoh ttimi kan si. A thihning fiangtein theih ka duh caah ka vun langhter. A konglam tlawmpal lawng a ruak cungah ka chim caah ka thiam lo tuk. Zeitindah asi lai aw ka ti lio ah mah Group hi ka thinlung ah a rak lang.

May be an image of 2 people, people sitting, indoor and text that says "SHOT ON OPPO By Rayz Zani King"

A pa sin ah halnak ka tuah i, Group ah a konglam fiang deuh in langhter ka duh tiah ka ti i, rak langhter ko aka ti. Cucaah a mah nawlpeknak in ka vun langhter lai. Cuhlan deuh ah a thih hlan deuh ah a chimmi bia ka vun langhter hmasa lai. Keicu fapa fangkhat ka si i, ka ttih ve ko. Asinain kanmah kan chuah lo ahcun ahodah a chuak hlei lai.

May be an image of 19 people, people sitting, people standing and indoor

Thih le thih, nun le nun, ka thih ve asi ahcun ka sianginn kai tti hna le ka hawikom ttha hna kha nan kut ah ka chiah hna. Cun thlacamnak zong in rak ka bawm ulaw, A thei lomi hna nan um sual ah Kawlram ah hin minung 800 an nunnak aliam cang i, ka thih a si ahcun hla rak ka phuahpiak te uh, Kanmah kan kal lo ahcun ahodah akal hlei lai, kan thih le ram caah asi ko tiah a chim.

May be an image of 1 person, sitting, sunglasses, outdoors and text that says "Ai SHOT ON OPPO By Rayz Zani King"

Mah ni 28,3,2021 zingka ah hawikom pawl kan i sawm hna i, an mah inn in kan chuak hna i, ruahchannak nganpi kan ngei. Ahmun kan phak cun hawi sin ah cun kan um ve hna. Rawl ei caan a vun phak cun Sante kan lawi ve lai maw tiah ka ti. Adih tiangin kan um lai tiah aka leh. Cuticun zanlei suimilam 4:48pm ah kan vun i doh taktak cu asi. Kan hmai ah a um peng rua tiah ka ti cu ka sirlei pe 8 hrawngah ပုလင်းဗုံ a rak chep cuahmah.

May be an image of 3 people and people standing

Mah le sining cio in tuah dingmi kan tuah hna. Culio ah ka sirlei ah minung pakhat a tlu tiah thawng kan theih i, kan vun zoh ahcun ka hawipa cu a rak si ko. Rianrang in a pawngkam ummi hna nih hmunhimnak ah an zawnh colh. Kei zong ruahchannak nganpi he Sangte tang chih ko mu tiah ka au. Tuah khawhmi le zeihmanh ka ngei lo. Ambulance motor ah kan chiah colh.

Dr. pakhat inn ah kan chiah i, Bike kan lakcolh khawh lo caah a hnu tlawmpal ah kan dawi colh. Dr sin ah ka hawipa cu zeidah alawh tiah ka hal tik ahcun a ngah tilo ee tiah a vun ka chimh cu ka taksa zong akhong dih, ka thinlung ah na chung le sin ah zeitindah ka chimh hna lai tiah ka ti, mah vial hi siko seh. Note: Lukhuh aa khuhmi hi keimah ka si, ahawi le dang an tuarnak cu ka thei ve lo. Keicu zanmang bantukin ka theih, ka hawipa hi a raltha tuk e, Afahnak bia kaa khat zong a chim lo.Pasaltha Sangte tiin au peng uh, ahma hi kehlei hnak ah a si. Credit:LalHriatrenga

Be the first to comment

Leave a Reply

Your email address will not be published.


*