CEI KO IN A TONGH KO CANG HIH, NANGMAH KHA RAK I KAWIH NA NING ZAH SEH

Salai Biak Za: Nangmah Lawng A Thin A Lin Mi Na Si Lo Dai! Ram na dawt caah, ram kongah na zai i na cawlcangh mi cungah kan upat. Asinain, ka ka a awng ai pat tiin le catial ka thiam ve ai pat tiin au tuk in tial tuk ve hlah! Na hnuhmai hna i mer pah ve. Na fim ko ahcun na ning a zak ko lai. Na nak in Ram a daw deuh mi le khua a ruat deuh mi le an nunnak hmanh pe siangin rian a tuan tu cu CNA/F kan pa le dawh an si ko cuh!

Ralthawh timi hi Nikhat thilcang sawhsawh le voikhat thin linh sawhsawh ah tuah phun a si lo ti kha rak thei. Atu ahhin CNF/A nih ka mipi an zai tuk ai tiah ral cu vun tho ciammam seh law, ttahchuak maw a si lai nihchuak dek khi a si lai. Hitluk i na rak i bochan ko hna ahcun a ziah tuan tein atu bantuk tein na rak bawmh hna lo ? Nikhat Raltuk ah hin phaisa zeizat remruam dah a dih ti teh na tuak ve bal maw?

Nikhat ah atlawm bik ting thong 2 an dih lai, zeizah dah na bawmh cang hna i kan bawmh cang hna ? Hngakchia zeihngal lo bang khan aulen ti hlah na hruh hmual nai phoh ning a fak chin lengmang.Nikhat a siloah Zarhkhat ah a dih lai i kan tei lai ti cu siseh law nangmah nih ram a buai na hngalh hlan ah CNA/F nih cun an tuk lai i nuam tein an in umter cang lai. Ral an thawh cang hnu ahcun, ka miphun mipi fahnak pe hna hlah ti a ngah ti lo.

Ka hriamnam a dih i van ka hngak ta rih ti zong a ngah ti lo, kan ralkap an thih dih hlei ah zeitluk in dah mipi kan thih lai i na nupi le na far le (nu paohpaoh) nih zeitluk in dah an tuar lai…..? Zai ti hlah, au ti hlah, na hruh kan in theih dih cang. A ho ka ti hna lo, CNA/F kongah a au lengmang mi nangmah kha kan ti rak i kawih law na ningtel zak seh! Credit: Salai Biak Za

Yangon ah CNF ralkap 2 an tlaih hna | THE CHIN EXPRESS

Relchih:Kalaymyo ralhrang ralkap pawl hna nih an thiltuahmi a tlamtlin lo caah an kir tiah theih asi. Tuchun March ni 29 zanlei suimilam pali in suimilam paruk tiangah Kalaymyo pawngah a ummi khua Sita khua ah ralhrang kawlralkap mipi hna cu fak ngai in an i kap tiah theih asi. Cu i kahnak ahcun ralhrang kawlralkap hna cu hnu ah an kir ruangmang ti asi.

Nizan Kalaymyo thilcang konghe pehtlaiin Kankaw ralhrang ralkap pawl hna cu Kalaymyo ralhrang hna bawmh dingin motor in an rak ra hna. Kankaw lei in a rak ra mi ralhrang kawlralkap hna cu Kalaymyo ralhrang kawlralkap hna nih an don hna ti asi. Sihmanhsehlaw ralhrang kawlralkap Kalaymyo in Kankaw ralhrang kawlralkap adong mi hna cu an kir tthan.

Aruang cu kalaymyo mino pawl or mipi hna nih lampi in an bawh hna i, an tthuat hna. Caan zeimawzat an i kah hnu ah ralhrang ralkap hna cu an kir tthan tiah an chim. Tuzan lei i kahnak ah hin mipi lei in minung pakhat zong hliam hma atuar i. ralhrang ralkap lei in minung pali bak hliamhma an tuar tiah an langhter. Cu tikah ralhrang kawlralkap pawl cu kalay lei ah an kir tthan tiah an chim.

Nizan Kalaymyo Tahan ah mipi le kawlralkap ralhrang hna i kahnak ah ralhrang kawlralkap lei in minung pali an nunnak a liam ti asi. Tthenkhat nih cun sizung a ummi he cun minung hlei nga an nunnak aliam tiah an chim. Asinain ralhrang ralkap hi zeizat taktak dah an thih timi theih asi rih lo. Athimi chungah hin ralkap bawi zong aa tel tiah theih asi.

Be the first to comment

Leave a Reply

Your email address will not be published.


*