CDM KAN TEI LO BAK AHCUN RALKAP NIH THIL AN TUAH DING HI VUN ZOH CIO UH

CDM is our hope! A Tu CDM lawng hin kan lam aum. Atu CDM in ralkap kan tei a hau. Cu lo ahcun PR system in an kan kalpi lai i anmah ralkap power a nung zungzal cang lai. Kawlram cu Indonesia le Thailand PR system bantuk hman dawh a lo i Thailand system a hman ahcun kan hnu 2020 i Thimnak ah NLD nih seat 400 hrawng a tei hman ah PR system ahcun an duhmi President ah an thim kho ti lai lo.

Zei caah ah tiah Thai i PR system ah seat 750 chung ah 250 hi ralkap minung an si. A tangmi seat 500 chung ah 350 hi FPTP in thim a si i a tangmi 150 hi PR sytem in an thim tik ah 50.01 percent si ding ah seat 376 an hmuh a hau caah zei party hmanh nih 376 an hmuh kho lo caah ralkapzik Prayuth Chan-o-cha lawng hi PM si nak lam a um. Cu bantuk in Kawlram zong PR sytem in a si ahcun ralkap nih an kan uk zungzal lai ralkap lawng hi zungzal an hmun lai caah atu CDM lawng hi kan lam a um.

Thimnak (general election) ah PR system hi atu FPTP (First past the Post) he a dangnak cu FPTP ahcun teitu nih MP thutden co cawl a si (winner-take-all). PR ahcun tahchunhnak ah Constituency- vote kuang hunnak hmun – ah minung pa 5 an i zuam ah A,B,C,D,E, he si hna seh law vote 100 a um hei ti usih law, 33 vote ah tling a si ahcun, MP pa 2 thim ding siseh law B nih 36 a ngah, A 23, C 19, D 12, E 10, hei siseh law a niambik kha an hlawh lai i a vote 10 kha an tinkhan (ratio) in ACD nih an i phawh lai,

B chung in a hleimi pa 3 kha A le C an phaw lai, cun D chung in vote 12 kha A le C nih an khan cio in an i phaw lai i a ā€˜Aā€™ maw ā€˜Cā€™ a tling ve lai. Cu pin ah Germany bantuk a si ahcun vote voi 2 thlah a si lai i pakhatnak ah minung pahnihnak ah party a si lai, check and balance um ding buaktlak ding ah. Atu CDM lawng hi kan lam a um. CDM is our only hope! Crd . Dr. Sui Hingz

Relchih:CNF Kanpa nih fiangtein a langhter cang. Dr Lian Hmung Sakhong nih a chimmi cu, Tulio CDM rian tuan nak ah hin kan nih CNF le a dang tlangcung hriamthlai tu vialte zong kan thinlung kan ruat nak vialte in kan i tel dih ko . a sinain CDM timi a suallam cu hriamnam tello in ti a si caah a phung hrimhrim ah hriamnam hman lo ding ti a si. Cu tikah mipi nih an mah lungtho in hriamnam hmang loin colhcang nak an tuah mi cungah kan mah nih kan hriamnam he kan lut hnawh hna a si ah cun ralkap nih an dohta mi rap chungah kan lut suallai ti ka phang.

Zei ca tiah cun ralkap cu kan thei bantuk in hriamnam hmangin mipi uk mi an si .mi thah le lainawng in mi uk mi an si .an power le an nawlngei nak vialte hi meithal le kuang in a ra milawng te an si. Cu caah an mah nih an hmang bantuk in kan hmang ve si cun an mah he kan dir hmun a khat lai. An mah an dir hmun a hman lomi a ding lo mi chungah kan lut ve suallai.Cutin a si tik ah a tu Min Aung Hlaing cu misual pa hrimtlai pa tiin vawlei pi nih an pom cang i mah hi an zoh sawhsawh hrim lailo .

Mah tin ka chim tik ah tlangcung hriamtlai pawl kan i tel lailo ka ti nak pakhat hman a si lo.Misual bu nih mipi kha hriam le nam he an zuam hnawh peng hna si cun ,nikhat khat ah cun mipi he a dirkhat mi hriamtlai bu a um a hau te hrimhrim lai .kha tik ah CNF le tlangcung hriamtlai bu hi kan duh lo duh lo zongah kan in thawh a hau te lai i , kha bantuk kan phan ah khan cun kan ram caah tih a nung tuk te lai.

Cu caah Kha bantuk tih a nung tuk mi thil si lo dingin he tiah kan i sum i thla kan cam. Tu ah kan i tel ngam lo a si lo, kan i tel duh lo zong a si lo , asi nain thil pakhat kan tuah tik ah a peh lai ding mi kan tuaktan tuk caah lungfak bu tein kan kaa lawngin kan chim rih nak a si i zei poah poah timh tuah nak kan ngei ko timi hi theiter kan duh hna tiah Dr Lian Hmung Sakhong nih RFA sin ah a chim.

Be the first to comment

Leave a Reply

Your email address will not be published.


*