CDM ATUAH LOMI CHEUHRA CHEUKHAT CU COHLANG NGAM DING SILO

Pastor Ronald Charles Nun Uk: Phar khat cu an ra pek. A thawh hna i, Aho mui le min dah a cuang? a ti. Annih nih, Sizar siangpahrang an ti. Jesuh nih, Sizar ta cu Sizar pe u law, Pathian ta cu Pathian pe u a ti hna. An ar ṭhup ko. Marka 12:16-17. Jesuh chimmi hi Bible sianginn kai hau loin a fiang ngaingai ko. Nihin ah a bik in zumtu simi hna hi CDM ah hmai suang kal in kan tuah hmasa awk a si lehlam.

Dinlonak le hrokhrawlnak he a khatmi ralkap hruainak doh hi zumtu caah cun Mission ṭengnge pakhat a si. Ruah dingmi cu ralkap uknak tang rianṭuan peng aa timmi hna cu ralkap mui sam cuang an si. Cu bantuk mi hna nunnak ah Pathian ṭhawnnak le thluachuah cu aa phuang hrimhrim lai lo.Thaizing kong ah Bawipa nih a kan umpi ko lai tiah bochannak a ngei kho lomi caah cun Ralkap bawi an i bochan rih ko lai.

Lungthiang tein CDM a tuah lo mi zumtu hna cheuhra cheukhat hmanh hi Biakinn a rat tik zong ah cohlan ngam ding a si loh. Khrihfabu zong nih faak piin ruah a hau. Pathian vel le dawtnak hi a man awl tuk phun in, khat lei kut in a dik lomi phaisa laak, khat lei kut in Bawipa pekchanh timi nih Khrihfa bu le zumhnak hi a mui a chiatter te lai. Cucaah kan bia hi fakdeuh ko seh.

Ralkap uknak tang rian a ṭuanmi hna cu ralkap muisam an cuan caah an 1/10 cu ralkap sin ah pe ko hna sehlaw, CDM a tuahmi hna 1/10 cu muisam a cuangmi cu Jesuh sin ah pe ko hna seh. Ralkap ṭha lo hna ruang ah Khrihfabu Pastor le Evan hna zong kan bia a ro chin leng mang cang. Dinnak caah cun kan si awk si ve ko. Credit: Pastor Ronald Charles Nun Uk.

Relchih:UEC Thar He Ton biaruahnak ngeih dingmi ah Chin Party pahnih an i tel ding le tello dingmi an chim kho rih lo. Union Election Commission thar le party kip hna cu ahmasabik ton biaruahnak angei ding an si. Asinain hi tonnak ah Chin Party pahnih CNLD le ZCD hna cu an dirhmun an chim kho rih lo. Hi konghe pehtlaiin CNLD in Salai Ceu Bik Thawng nih a tanglei bantuk in a langhter.CNLD General Secretary Salai Ceu Bik Thawng nih a chimmi cu sawmnak ca cu kan hmuh ko cang, Asinain kan i tel ding le tello ding kong kan ceihkhang rih lo tiah a chim.

UEC ah register party hna nih hin party dirhpeng or nunter peng asi khawhnak dingah an duh asi ahcun hi tonbiaruahnak meeting ah hin an i tel ahau tiah kei nih cun ka hmuhning asi tiah a chim chih.Atulio UEC nih hin Thaizing kiptuh February ni 26 ah tonnak ngeih dingin timhlamhnak an ngei. Hi UEC hi ralkap cozah nih a dirhmi le a thimmi hna an si i, U Thein Soe nih ahruaimi hna UEC asi. Tutan ah an i timhnak bantukin akal khawh asi ahcun ralkap cozah nih a thimmi hna UEC thar party kip hna avoikhatnak bik tonnak an ngeih a si lai. Hi tonnak dingah party kip vialte zong sawm dih an si.

Hi tonnak ni le caan kal aa timmi hna cu ahlanken in thanhnak tuah asi lai tiah Commission nih alanghter. Hi sawmnak konghe pehtlaiin ZDC party Secretary U Gin Kam Lian nih a chim vemi cu kanmah sin ahcun sawmnak ca arak phan rih lo. Asinain kan party Chairman nih cun i telding in bia aka chah ko. Phungning tein party sinak in kawhauh asi ahcun kal cu attha ko tiah ka ruah tiah a chim ve.Hi konghe pehtlaiin ralkap cozah nih CNLD le ZCD hna cu National Administrative Council ah tuanpi dingin sawmnak an tuah hna nain an cohlang duh lo. Tutan UEC thar he meeting tuahnak kal ding zongah an kal ding le kallo ding fiangin an chim kho rih lo. UEC party thar hi tonnak tuah dingmi ah hin NLD party cu kal an i tim lo tiah theih asi.

Be the first to comment

Leave a Reply

Your email address will not be published.


*