CDF LAWNG AN SI TILO, RALHRANG CAAH CAANTTHA TAKTAK A CHUAK CANG

CDF lawng an si tilo, Taze People Comrades zong nih thanhnak an tuah tthan ve cang. Ralhrang kawlralkap hna nih hriamtling he mipi lei nan tan ahcun sing 75 pek nan si lai tiah TPC nih an thanh. Nawlngeihnak la tu ralhrang phu sin in luat a duh mi hna caah Sagaing ramthen, Tenhsee (တန႔္ဆည္) mipi vengtu phu TPC nih cathanh an chuah ve cang.

Nawlngeihnak la tu ralhrang phu sin in luat a duh mi ralhrang hna nih mipi hna cu nu le pa dirhmun in cohlan i,mipi lei ah tan a duh mi ralhrang hna cu kanmah Taze People Comrades-TPC nih lunglawm ten kan in don hna tiah an langhter. Full Equipment in a rak phan mi ralhrang hna cu laksawng ah sing 75 pek nan si lai i, chungkhar humhimnak , umnak eiding kong zong ah tawlrel piak nan si lai tiang Taze People Comrades-TPC nih cathanh an chuah.

Hi konghe pehtlai thiamthiam in CDF-mindat lei zong nih ralhrang kawlralkap hna cu nan hriamnam tlamtling he kanmah sin ah nan rak i fonh a si ahcun ting 50 kan in pek hna lai i, kal um nan duhnak hmun paoh ah kan in tawlrelpiak hna lai tiah thanhnak an rak tuah ve cang. Tulio ralhrang lakah tthenkhat cu lahkhah an pe kho ti hna lo timi thawngpang a len hnu in a tubantukin thanhnak an tuah hi asi.

Thawngpang dang: Pearl Store (2) Ngeitu U Zi nih Dawrkhaan Alak in a Hlanh Hna.Hakha khua, Pearl Store (2) a ngeitu U Zi nih dawrkhaan a hlanhmi hna chungkhar pahnih cu dawrkhaan man lak loin alak in a hlanh hna caah dawrngeitu Saya Khup Pi le Lian Lian nu nih lunglawmhnak an langhter.Nihin zinglei ah saya Khup Pi le Lian Lian nu dawrkhaan man pek ding in U Zi sin ah an vung kal i U Zi nih atulio boruak ruang ah har cio a si i, tu thla cu man loin kan hlanh hna, tiah a rak ti hna.

Saya Khup Pi nih, Tu thla cu free in si ko seh aa kan ti. U Zi tlawmpal tu kan tthum law kan i pek ko lai kan ti zong ah atulio kan boruak ah cun ahopaoh harlefe in khua kan sak cio hna lio a si. Tu hnu hmailei zong ah kan boruak sining zoh in kan kal te hna lai. Tu thla hi cu free in si ko seh a kan ti, tiah a chim. U Zi dawrkhaan a hlangtu saya Khup Pi hi thla khat ah 120,000 hlan man a pek tawn i, Lian Lian nu hi khaan hnih a si caah thla khat ah 240,000 a pek tawn.

Atulio kan sining ruang ah dawr kai loin kan um tik ah dawrkhaan man pek ding kan ruah ah kan lungre a thei i, kan khing a rit tuk tawn. U Zi nih atu bantuk in a kan tthumh dih tik ah kan khing a zaang dih i kan i lawmhnak hi hmurka hmanh in chim khawh a si lo. Hi bantuk lungput hi Laimi nih kan ngeih cio a herh, Pathian zong nih a duhmi a si, tiah saya Khup Pi nih The Chin Journal hmang in lunglawmhnak bia a chim.

Be the first to comment

Leave a Reply

Your email address will not be published.


*