BUAI CHIN LENGMANG KO CANG HIH, VOTE FIR KONGAH AN TLEIH CANG

Texas state San Antonia ah President thimnak ah vote fir le vote fir bawmh ruangah Spanish nu si dawh a simi, Rodriguez timi nu cu an tlaih cang i, thongah kan khumh cang tiah Texas State Attorney General Ken Paxton nih nithum ni ah a chim.US President thimnak ah hin a phunphun in firnak le hrokhrawlnak hi cu a um hrimhrim ko. A tlawn le a tam lawng a si. Atu an tlaihmi khi cu pakhat telawng a si rih. Hmuh lomi le theih rih lomi hi tampi a um lai tiah zumh a si.

Pandemic ruangah voting system thlen a si. Mail-in Ballot in inn address cio ah thimfung kuat in thimfung thlak cio a si caah aho nih thimfung a thlak timi hngalh khawh a si lo. Minthut a lawh le lawh lo, citizen an si le si lo timi atu tiangah investigation an tuahmi kan hngalh rih lo. Mah hi an tuah ahcun zeitluk in vote an fir timi fiang tein a lang hnga. A sual tiah biaceihtu nih bia a chah ahcun kum 20 thong a tla khomi a si.

Joe Biden Impeachment tuah ding in biatung dirh a timtu House Rep. Marjorie Taylor Greene (R-Ga.), cu QAnon na bawnh hna tiin Twitter nih account an thah piak ve. Blak Lives Matter lio ah inn bauh, inn khangh le thilfir mi pawl an hnulei in a bawmtu hna Democrats pawl cu twitter nih zei aa theihter hna lo. Asinain an rem lomi hna le Republican bawmtu hna cu an ka an phih hna.

Joe Biden President a si lai tiah Honduras in minung a thongthong(Caravan ) in an hung pok i, tuchun ah Guatemalan an phak ah ralkap nih an rak kham hna i an i phomh, a rauh hlan ah US an phan kho men. Joe Biden nih zeitin a tuah te lai? Democrats pawl nih cun hmailei anmah party thimfung thlatu dingah luhter an duh te ko hna lai.An nih pawl hi ral ruangah si loin sifah ruangah a rak i thawhmi an tam deuh ti si. Credit: Salai Lairamthang

Be the first to comment

Leave a Reply

Your email address will not be published.


*