THAWNGPANG DIK A THANHTU MINO PAWL A TONGH CANG HNA, NAN LUAN TUK

Tutan Hakha thilcang konghe pehtlaiin Chin Oo Si sang mino pawl cu fak ngaiin a vun tthuat cang. Tthenkhat nih cun ahmanmi asi tiah an ti, asinain tthenkhat nih cun an palhnak a um lo tiah an ti ve. Minung hi kan pum ai dan bangin kan ruahnak le kan lungput zong aidang timi hi tutan sining nih a vun langhter tthan. Tutan Hakha thilcang kongah Lung Nawl Mualcin nih atimi cu Hakha Chin Oo Si sang mino pawl mi nan phozar ning nan luan deuh ko tiah a vun tthuat hna.

Thil hi biadik phuan le zamh asi ahcun hocio paoh ralrinnak apek tawn hna hi, thilsining hmailei a cang lai dingmi tampi a kham khawh tiah mifim hna nih cun an chim. Sihmanhsehlaw cu biadik le biahman asimi chungah pumpak thangchiattuknak thil hna a um asi ahcun an pumpak sining kha thuhnawh awk attha mi a um ahcun thuh nawh piak ahau ti asi. Nain bia pakhat thawngin mipi i remhnak ding asi ahcun thanh le phuan ahau ti asi.

Hi konghe pehtlaiin Tutan Hakha thilcangmi tampi nih kan theih cio cang lai. Hi bantuk thawngpang hi phorzar ahau ko tiah atimi an um i, ahau lo atimi zong an um. Cucu pumpak ruahnak le hmuhning cungah aihngat mi asi. Tutan thilcang kongah Chin Oo Si mino cabia langhter mi cu hibang in a si. Ralrinpeknak le theihternak. Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si. Thil a zuar pah in mi inn purhdah le thillaak a hman ca ah, nan rak i ralring cio lai. 2020 November 24, Chin Oo Sii Sang inn pakhat an um lo karlak ah a lut i, an thingkuang a bauh, Lai puan le Laihne a lak ca ah, Sangmi nih kan tlaih. Cucaah, nan sang le nan inn cio a rat tik ah rak i ralring cio hram u.

Cun, a bik in Chin Oo Sii sang chung ah fir hi atu le tu a um lengmang ca ah atu bantuk in theihternak le ralrin peknak hi kan tuah mi a si. Sang chung mi hna zong, inn hrenh lo in kal tak lo ding le lenvah caan ah inn tha tein hrenh cio u, tiah Chin Oo Sii Mino nih kan in teihter hna. Atu bantuk in kan vun langhter hi, a voi a tlawm ti lo.

Pi Ni Zii hi a hlan zong ah thil a rak fir i, thong tiang a rak tla bal cang mi a si. Tutan zong ah thong thlak ding kan ti ko nain chungkhar lei nih mizapi sin tu ah ralrinpeknak le theihternak tu in kan tuahpiak ko u an ti ca ah, atu bantuk in kan langhter hi a si. Upatnak he, Chin Oo Sii Mino Bu.Note: Hi ca hi, Chin Oo Sii Mino nawlpeknak tel lo le a ningcang lo in (perh hlei) in Social Media pawl nih kan zamhpiak hlah u.

Be the first to comment

Leave a Reply

Your email address will not be published.


*