BAWMHNAK APEK MI VIALTE SALAI LTT NIH ALANGHTER DIH CANG

Midang caah keimah phaisa ting thongkhat leng ka hman cang.Zahan zaan cu midang caah bawmhnak ka pekmi le kan nunphung thanchonak caah keimah pumpak phaisa ka hmanmi cazin ka tuah, hringtu ka pa motor ka cawk piakmi telh ahcun ting thongkhat leng a si cang. Langhter awk a tha lomi zong tampi a um.

February 12, 2014 London ka phak lio ah phaisa ting thongkhat ka ngei kho te lai timi ruahnak ka rak ngei rih lo, nain tuchun ah cun midang caah keimah phaisa ting thongkhat leng ka hman khawh cang. Pathian nih ka ruah lo leng in thluachuah aka pek.

Bawmhnak ka tuah hi tukum lawng in aa thawkmi a si lo, bawm khotu dirhmun ka phak 2016 thawk in ka si khawh tawk bawmhnak ka tuah cang. Atu cu kum 4 leng a si cang. Ngah than ding ruahchannak ka ngei ruang ah bawmhnak ka pek zong a si lo, midang lunglawmhter hi kaa lawmhnak sang bik a si caah ka ti khawh tawk bawmhnak ka tuah theu hi a si.

Image may contain: text that says "Bawmhmi CNF/A chungkhar CACC tuahmi Idol winner laksawng Talent(USA) 2017 Zephai Lai 2017 2018 13 2019 2019 2019 Xmas laksawng chungkhar 15 Xmas laksawng Futsal bawlung puai zuamnak voi Lai paih voi 2nak Chin Miphun Ni Lai paih laksawng Vuangtu Lai zuamnak tuahmi Zophei Leitak tuahmi paih A ka riantuantu motor cawk piak Hakha & Thantlang khuate bawmh Vuangtu Uni lentecelhnak Hringtu ka Prado cawk piak Chin Person of Year Lian Η Sakhong Amount 2,500,000 5,000,000 1,400,000 1,000,000 1,000,000 6,000,000 7,000,000 11,000,000 1,500,000 1,000,000 1,400,000 1,000,000 31,500,000 10,000,000 1,400,000 31,000,000 2,000,000 115,700,000 16 17 2019 2020 2020 2017 2016"

Atu cu Chin miphun caah kau deuh in le hmual ngei deuh in rian tuan ka duh i kaa tim fawn, Thantlang peng mipi nih nan caah riantuan ding nan ka duh le duh lo biachahnak tuah ding ni caan a phan cang. Hi lamthluan ah cun mipi lungtlinpinak(mandate) ngeih hmasa a herh. Khua fak piin tuak hnu ah vote pe hram u.Credit: Salai Lungthlitum

Thawngpang relchih:Tuluk Communist Caah Information Firtu FBI Nih An Tlaih.Jun Wei Yeo timi pa cu Singaporean Tuluk miphun a si. San Francisco Tuluk consulate zungah riantuanmi a si. Tuluk communist cozah caah a thlithup in infomation a fir caah FBI nih an tlaih. Department of Justice nih taza an cuai. Court ah an chuahpi i, Tuluk communist cozah caah a tlithup in information a firnak kong a phuan diam.

Nizan nai ah Houston khua zongah Chinese consulate zung nih a thlithup catlap tampi cu mei in an khangh caah US cozah nih consulate zung khar dingah nawl an pek hna I nizan zanlei ah Houston in chuah dih dingah nawl an pek cang hna. FBI pawl nih Friday zanlei ah khan Tuluk consulate zung cu an va kal hnawh I an khar piak cang hna.

Tuluk cozah nih kan hnu te ah khan Tuluk ram, Chengdu khua I ummi, US consulate zungpi cu US cozah caah thlithup in rian an tuan tiah an puh hna caah Tuluk cozah nih an khar piak cang hna. Tuluk le US cozah cu chawleh thalnak, trade, coronavirus le Hong Kong security upadi thar an sermi ruangah biatak tein an I rengh caah pakhat le pakhat sual an I puh.

President Trump Nih Federal Rakap A Thlah Hnawh Hna.President Donald Trump nih Democrats pawl an tthawnnak le democrats pawl nih an ukmi, Chicago, Oregon state, Portland ah minak ttanhtu BLM phu pawl nih federal cozah inn pawl le federal nih a ngeihmi lungphun le milem pawl an hrawh lengmang caah Federal ralkap a thlah hnawh hna i, a control ter hna.

New York zongah thlah a timh than. Asinain New York ramuk bawi, Governor Cuomo nih duh dawh a si lo. A thlah ahcun tazacuainak a chuak lai” tiah ralrinnak a pek. Democrats cozah nih an ukmi khua ah hin BLM pawl nih buainak lawng si loin meithal I kahnak le Ithahnak a tam khun caah atu bantuk in President Trump nih federal rakap thlah a timhnak a si. Credit: Salai Lairamthang