BAWIPA NAWL ZULH CU CDM KAN TI, SUI CU MEI IN HNEKSAK A SI TAWN BANTUKIN

BAWIPA Nawlzulh cu CDM kan ti. Sui cu mei in hneksal a si tawn bantuk in minung cu harinnak in hneksak mi kan si ve.Inn satu pahnih sining nih kan i thimnak dirhmun a thuh le a puanh a langter.Mi pakhat nih awlzang ngai tein a inn cu thetse cung ah hrambunh in a sak. Caan lak hau lo tein le zaangdam tein a lim. Sihmanhsehlaw thlichia le tilet a hun thawh taktak tik tu ahcun a sakmi inn cu a hram in a phur i amah nunnak ca tiang in thihnak lam a phanhpi.

Mi dang pakhat tu nih a inn cu lung cung ah hramthla in tha tein le timhlamhnak te he a sak tik ah a kiang kap ah a chuakmi thliral, tiral le kokek ral hna nih zeitluk an den len hmanh ah fek tein le nun himnak petu inn a si. KHRIH nih ka bia a thei i a ngaimi/a zulmi cu lungpi cung ah inn satu bantuk nan si a kan ti.Nihin CDM (rianulhnak) kan tuah hi KHRIH cawnpiakmi dinnak hi vawlei ah a tlunnak ding caah amah nawlbia zulh in din lonak in riantuantu mithalo hna kan doh hna a si.

Cucaah kan dirhmun cu kan i uang ding le pakhat le pakhat kan i upat piak ding a si. KHRIH nawl zul buin hmai kan kal cuah mah lio ah kiangkap ral phun zakip nih a kan phak cio ko lai. Cheukhat cu nunnak hliamnak, hremnak le dawinak kan tong ko lai. Asinain KHRIH cu a fekmi le kan himnak kan lungpi asi ko caah Amah chung ah hram kan thlak cang caah kan nun a him.

Cu kan himnak cu pumpak, chungkhar, sang le miphun tiang himnak petu cu a si lai. Cu a si caah BAWIPA Nawlzulh cu CDM a si timi lungput thlau lo tein hmainor ti cio hna u si.(Luka 6:46-49). siapiraldo, Support CDM, Whats Happening In Myanmar, Whats Happening In Chin, Against Military Coup. Credit: CDM Supporting Team for Hakha.

Hakha CDM Hruaitu Nih Hriamnam Ttha Bik Nan Philh – Chin World News Evening

Relchih:VengLawma Dawm: CNA Dai Tein An Um Rih Hi Kan Him Nak ASi. News kan zoh tik ah Kayin kan unau le hna an temtuar nak zoh tik ah hin zaang a raam tuk hringhran e. A tu kan nih Laimi kan dirhmun ah hi bantuk dirhmun khi hei tawng ve usih law ka ti ah hin, a tu ah CNA mawhchiat in cu e kha e nan ti mi hi ttha te in ruat hmanh u. A hrut mi Kawl Ralkap nih zei hmanh midang zawnruah nak um bak lo in a tuk hna ning hi nan hmuh cio ko lai.

Miphun ralkap nih an tuk nak i a leh rulh hna nak le,Khua mi nih a tuk nak a leh rulh ning ai dang deuh in ka thei. Atu zawng ah TaHan ah cun VanzuangLawng in bomb a thlak hna lo. An hriam hman mi a a fat deuh ca ah asi kho men. CNA nih kut vawn samh selaw an Sakhan kiangkap khua hna hi cu meialh in ai zel cawlh ko lai. Cutik ah nan hrut tuk e khawkhan nan thiam loe tiin a phunphun in nan zai cuahmah tthan lai i,nan vawlh nan pamh hna lai i mawh vial te nan chiat dih hna lai.

A ngaingai ah cun kan dirhmun le sining zoh an thiam tuk rih ko hi. An kah hna ruang ah mi tlaih an tthul lai lo i, Sandah piah mipi kah le tthio an tthul hlei lo loh. Zei kan ti hnga i sum deuh ko uh. A tik cu caan cu an mah nawl siko seh. Kawl phungthluk bia ah ”saya an tam tuk caah Sangphaw lawng a rawk ,, ti mi kan chuak sual lai. Phungthlukbia 24:5-6,Mifim cu mithawng nak in a thawng deuh,Hngalhnak a ngeimi cu thazang a ngeimi nakin a thawng deuh;Zei cahtiah ral cu tha te in khawkhan nak thawng in tei a si i Saupi timhtuah nak theitlai cu teinak asi. Venglawma Dawn

Be the first to comment

Leave a Reply

Your email address will not be published.


*