CHINRAM KHUALIPI HAKHA THIL CANG CU APOI KO, RALRING NGAINGAI AHAU

Hakha ah tender a sok mi Tedim pa positive a si Hakha a umkalnak minung quarantine an chiah hna. Hakha ah tender sachoh minthut ah December 10 ah a rak rami Tedim pa cu COVID-19 positive a si caah December 12 zan ah Tedim sii-inn ah an chiah i, Hakha a umkalnak zung, dawr le minung 19 December 13 ah quarantine ah an chiah hna. Hi kong he pehtlai in Chin Ramkulh Ngandamnak Zung in Dr. Zing nih “Hi pa hi positive a si caah December 12 zan ah Tedim sii-in ah an chiah.

Hakha na umlio ah khoikadah na kal tiah amah kan chawnh i NaTaLa, Aakhun zung, Ayeyarwady bank hna ah ka kal tiah a ti. Cucaah a umkalnak zung he a pehtlai mi minung 19 cu December 13 ah Quarantine ah kan chiah hna.Hakha a tlunnak inn cu Hakhathar Myanmar Kaido hmai ah inn an hlang i an umnak hi an hlan mi a si i kan va zoh nain an um ti lo a lawng cang,” tiah The Hakha Times ah a chim.

Hi kong he pehtlai in Hakha Town Coffee dawr riantuantu pakhat nih Mah positive a si mi pa kha kan dawr ah thil ka caw hna a ti ca ah kanmah zong minug 6 atu hi quarantine ah an kan chiah ve,” tiah The Hakha Times ah a chim. Hi zawtnak hmuh mi pa hi, tutan tender sok lio ah Hakha i a rat le rat lo hi cu kan hngal lo. Asinain Tedim le Tonzaang lei hi Kalay in a rak tlung mi hna quarintien luhter an si lo ca ah zawtnak ngei mi a dang zong um khawh an si.

Cun, kanmah Hakha zong Kalay in a rak tluung mi hna hi quarintine ah lut hmasa loin a thli in a tlung mi an um len tiah kan theih. Cucaah zeiti a si hmanh ah ralrin cu kan hau ko,” tiah Dr. A Zing ing nih a chimchap. Hi kong he pehtlai in Hakha Sii-inn uk Dr. Mang Biak Kung nih, “Hi zawtnak hmuh mi pa hi tutan Hakha ah tender sachoh minthut a rat hlan, Tender sok lio ah rak rat khawh zong a si.

Asinain a konglam fiang kan thei kho rih lo, tiah The Hakha Times ah a chim.Hakha khuachung ah COVID-19 zawtnak runvennak ca ah dinei dawr kharter an rak si nain, December 13 in dawr onter an si tiah kan theih.
Hakha khua ah quarantine an chiahnak hna cu Hakha University sianginn, Ingdwinhmu sianginn, TTI sianginn le NaTaLa sianginn ah an chiah hna tiah kan theih. Credit: The Hakha Times

Relchih: Kumpi Kumli chung US President rian attuan tthan khawhnak dingah US mipi relcawk lo hna cu Donald Trump caah thlacamnak an ngei. Tukum US thimnak cu theihcio bangin a buai taktak khi asi. Tuchun nitiang ah US thimnak kongah ahodah president cu asi i, ahodah US president cu asi laimi kongah thawngpang fiang in theih awk a um rih lo. Thawngzamhnak ngan pipi hna nih cun Thimnak ah Joe Biden nih teinak ahmuh ko cang i, fehternak zong an tuah ko lai tiah an langhter.

Asinain Donald Trump lei dirkamhtu hna nih cun tutan thimnak hi ahman lomi fir le tlei in siseh ziknawhnak phunkip le ningcang tein tuahmi asi lo tiah an ti ve. Cuticun US thimnak kong cu buainak in akhat cang. Tuchun ah thimnak konghe pehtlaiin US President Donald Trump adirkamtu zumtu hna cu hmunkhat ah thlacamnak an tuah tthan. Thlacamnak ah mipi a chuakmi hna hi relcawk lo bak an si i, an tam kho taktak ti asi.

Tutan US president thimnak konghe pehtlaiin minung tampi hna nih cun Donald Trump caah ruahchannak aum ti lo tiah an ti.Sihmanhsehlaw US mipi tampi hna nih Donald Trump caah ruahchannak a um le um lo cu tutan an tuahsermi nih hin fiangtein alanghter i, US mipi hrimhrim an lungdong lo timi alanghter. Trump caah minung tampi nih thla an cammi cu kumpi kumli chung Donald Trump nih president attuan tthan khawhnak ding ah an cam.

Hmunkhat ah Trump ca i, Thlacamnak an tuah hnu ah an i put kenmi Poster hna cu an langhter i, Fir le tleinak vialte hna hi dih in ngol dih cang seh, kan ram ah hin diknak hi bawi si cang seh tiah an au chih hna. Hi konghe pehtlaiin Nizan ah Texas state nih thimnak konghe pehtlaiin State pali taza a cuaimi hna cu Supreme court nih a hnonpiak hna.Asinain Donald Trump le a team pawl hna nih cun lamdang kan kawl tthan lai adih rih lo. Kan ram ah a hmanmi thimnak biadik taktak a um khawhnak dingah kan i zuam lai. Lih le tlei timi hi um hrimhrim hlah seh tiah an chim ve. Acunglei langhter cang bangin Trump caah ruahchannak lam atlawm tuk an ti lio ah Trump caah thla a cammi cu an tam taktak khi asi.

Be the first to comment

Leave a Reply

Your email address will not be published.


*