APOI TUK US CU LUNGRAWK SI CANG A ZUALHMA CHIN LENGMANG CANG

US Covid-19 Update: 03/26/2020. Coronavirus ruangah a thimi, a zawmi ni khat chungah faak ngai in adang. Tuchun tiangah a thimi, minung 1041 an si. Nizan lawngah a thimi minung 300 an i chap. A let thum in a a thimi an karh. A zawmi 68960 an si i, nizan nak in a zawmi 16815 an karh manh. a dam thanmi 361 an um nain a dammi cazin hi fiang in theih khawh a si rih lo.

Atu tiangah US ah rian ngei lomi million 2 renglo an si cang. Kawlram zongah a zawmi minung 3 an hmuh cang hna. A zawmi hna he a tong balmi le a neihniam mi poah nih cun sizung ah zawtnak an ngeih le ngeih lo i check colh ding a si.Zahan zan ah Republican le democrats pawl nih covic-19 caah 2.2 trillion($2000 billion renglo) bawmhnak tuah dingmi cu Senate nih fehternak an tuah cang.

Vote 96-0 in an fehter. Republican senator minung 4 quarantine an si caah an i tel kho lo. No vote a thlami an um lo. Thaizinga ah House ah an chuahpi lai i, zapi hnatlaknak in an fehter hnu ah President Trump nih misen a thut lai i, an fehter cang lai. Bawmhnak hi zetin an phawtzamh timi a didiar in theih a si rih loi. A tlangpi cun minung pakhat nih $1200 an ngah lai i, fale minung pakhat nih $500 cio an ngah lai ti a si.

US senate Republican pawl nih nih covic-19 ruangah harnak a tongmi small business pawl, company nganmi pawl kha phaisa tam deuh pek i, rianrang tein bawmh zau i, employee pawl an rian ngolter lo ding le layoff tuah lo ding le an health insurance zong an keep khawh dingmi kha biapi ah an ruah. A herhning in funding zong tuah i, bailout tuah an duh.

Asinain democrats pawl nih rian ngeilomi pawl bawmhnak tam deuh pek ding le, food stamp, unemployment benefit, medicare, medicaid le social security lei deuh ah phaisa tam deuh pek an duh caah a rauh deuhnak a si.President Trump nih Easter Sunday dih in US business tam deuh cu on a duh. Asinain silei mithiamsang hna ruahnak kan laak hmasa lai a ti. President Trump nih caan saupi Lockdown tuah a duh lo.

US hi thla thum chung Lockdown tuah ahcun a pur lai i, zeitikhmanh ah a tho than kho ti lai lo tiah sipuazi lei thiamsang pawl nih an chim. Cuaah President Tump nih tuan deuh ah business on than a duh. Caan sauh sipuaizi khar a si ahcun US sipuazi a tungmer thai kho ti lai lo ti a si. Cu dirhmun a phak ahcun Tuluk nih vawleicung sipuazi vialte a lemh khawh lai tiah an ruah.

Rarin Ding: Na kut thiang tein ttawl lengmang. Kut ttawl hi khamhnak tha bik a si.Kan taksa kua chung in a lutmi si caah na hnar kua, na mit, le na hnakhaw tongh lo izuam. Rawl ei hrimhrim ah kut in ei lo ding.Mi kut tlaih hrial khawh izuam. A herh lo ah mi tak tongh lo ding.Minung pakhat l pakhat pe 6 dan in i hlat peng ding.

5.Leng an chuah ahcun kuthruk he chuak, na lawi tik ah na kut hruk kha inchung ah luhpi lo ding. Hlonh colh ding. Motor gas thun tik ah a tlaihnak kha ttih a nung ngaimi a si caah kut hruk in tlai asilole gas na thun le cangka na kut i tawl colh. Mizapi nih tonghmi innka tlaihnak zong ttih a nung ngaingai mi a si.

6.Leng chuak loin inn ah um i zuam. Leng na chuah i na kir le cangka na kut chapiat in thiang tein ttawl lengmang. A herh lo ahcun leng chuah lo ding. Na cumpi, na hathio i, na tak a linh ahcun sibawi sin ipiah colh ding.Coronavirus hi ttih tuk ding a si lo i, ngamh tuk ding zong a si lo. Iralrin poah a tha. Credit:Salai Lairamthang