AMAK TUK CANG HIH, PU NO THAN KAP LE SALAI LIAN LUAI

2020 Kum Rampi Hrilawknak Cu Nuam Dupdo Ding, Falam ah a nuam cuang ding, U-TAWNG PARTY maw VAPUAL PARTY? Myanmar mipi, ram le miphun khurkhua hmailam ruattu zate cun hrilawknak hi lungluh lo awk a tha lo.Kum 5 sung hrang hril ding kan si tikah MLA, MP le CAM hril fuh le fuh lo hin thil tamzet a danglamter hrimhrim ding a si.

Myanmar huap, le Chin huap cu thuhran in reet hrih sehla pengkulh party ih hriltlin veve Falam peng Pii-ne Hludaw – 2nak ih zuam awtu ding Pu No Than Kap le Pu Lian Luai boruak hin lung a la cuang.An pahnih in hmințhatnak le hnațuan suahmi kutneh tamzet nei veve an si ih central lam ih lungkimpinak aum veve asile NLD le CNLD in BUAN aw ding an si.

Falam peng hi 2010 ahkhan Tualțo Party an rak tling thluh ih, 2015 ah NLD an rak tling thluh lala, 2020 khal hi mipi auaw zoh tikah NLD lole CNLD pakhatkhat hi mipi in an dinpi ding a bang ko.CM tuan lai Pu Lian Luai in kum 5 tlukah Falam pengkulh ah kutneh ziangmawzat a nei man. Tahthimnak ah Surbung, Laiva tidawl, Webula khawte in khawpi ah khaiso, Falam khawpi vengthar thuhla tin sim ding aum.

Pu No Than Kap ih ram le miphun hrang tuahmipawl khal Saisa zat reel ding aum. Cozah lam asile kum 5 sung Sakain Chin Yiya Vuanci in le hramlakah hriamhrei kai in CNF President rak tuan dah a si ve.A tawizawng cun anmah le lamzin le tuannak ah thuanthu roling nei veve an si.

NLD lam in pengkulh hriltlin candidates an tarlang hnu reilote ah CNLD lam in thawmvang an run nei ve cih ih Pu Lian Luai buan dingin Pu No Than Kap a man thu theih a si. Do or Die” rori a si ko ding, hihi kan Chin pacangtha veve BUAN awknak ding a si ih tual ah lei a khu vutvo ko ding.

Pu No Than Kap in BUAN aw dingih a suahhnawhnak hi Pu Lian Luai le an party khalin a tam maw mal cu an helhkampi ve meen thei.Zo a cak ding timi thubotcatnak cu zodang siloin MIPI ih kutah aum ko ding.UFC ah nuai aw dingih an reel le hminkhen cia thuhla phunphun ruangah an pelhsolh saal theu. Hih puai hi pelhsolhnak um loin fehtluang lan thei ding si bang sehla zo in nehnak a co sawn pei? Credit: FT