AHMANTUK E, JESUH LE HEROD BANGIN TRUMP LE JOE BIDEN KONG

Herod Le Jesuh Krih. Pu Den Le Pu Trump. Herod aa sem hlanah Jesuh cu van ah a rak um diam cang. Minung sin um awkah Jesuh cu minung mui bantuk in a lang i Bethlehem khua ah Jesuh cu a chuak. Herod Khua ruahning ahcun, “Jesuh hi “Vawlei cungah rianṭuan kho hlah seh, nawlngeihnak zong ngei hlah seh tikha Herod khua ruahning a si. Jesuh khua ruahning he cun aa khat lo.

Jesuh nih cun nun i mizaw damter, lung rethei in a ummi hna hna ngamter, a sualmi hna ngaihthiam i, “Tuu tlaumi hna kawl le a thisen in khamhnak serpiak kha a duh. Sihmanhsehlaw Vawlei siangpahrang lawng a simi, Herod le Vanlei Siangpahrang Bawi le vawlei Siangpahrang Bawi sinak he a kemh khotu Jesuh he um ṭi kha a rem lo caah Herod he hmun dang veve in um awkah Bethlehem khua in Izipt ram ah caan zeimawzat chungte kha a va din ta.

Cun Herod hmu lo ding le um ṭi lo dingin Lam dangin Izipt ram ahcun a rung kir ṭhan. Pu Den nih, Pu Trump hi president a sinak cu cawhhrup vote in a dawi. Pu Trump nih president sinak cu, “Angki bang aa phoih ta i, “Whi House in a chuak i caan zeimaw cante Florida lei ah a va din ta. Cu hnu ah Inpeach in an dawi rih nain an phaan ti lo. Ni hin tiang a lung a ṭhulh lo caah, “Pathian nih a rem a ti ahcun Whi House panh in Lam dangin a rak kir te lai.2 Chanrelnak 20:17 Nan um hmun kha i tlaih ulaw daite in dir ko ulaw nanmah ca i BAWIPA nih teinak an tuahpiak mi hna kha zoh ko u. Credit. F Bawi Khamh

Tulio Abuai Bakmi: Ralkap Le USDP Buainak UEC Nih An Leh Cang Hna. Kawlram kum 2020 thimnak ah a sungmi usdp nih mee hrokhrol a um hrim tiah NLD cu sual an phawt hna i ralkap he i kop in UEC mee tawlreltu cu an buai hna. Ralkap bawi zik Min Aung Hlain nih naite ah a chimmi cu, tawhlainzi chan lio zongah mee pek ning a fello caah Aana, nawlngeihnak rak chuh a si cucaah tukum thimnak zong hi Ralkap nih nawlngeihnak hmang in nld cozah hi nawl ngeihnak kan chuh khawh thiam ko hna tiah a chim.

Sinain tutan kawlram thimnak kongah usdp le ralkap nih mee petu hna i an mee-vote zoh tikah citizen identity-card, hmatpungtin um lomi tam, hihi lih mee fir si, tiah an timi cu fianternak an tuah. UEC chimmi ahcun kawlram thimnak ah kawlram chung ummi le rammi a simi kum 18 cung poh nih hmatpungtin-identy-card an ngeihlo zongah thlak khawh si timi phung um caah mee fir puhmi hi a si kholomi sual phawtnak si an ti ve.

USDp le ralkap nih an i hrocernak hi tukum thimnak ah biapi in buaipi tlak si lemlo, tette tha usdp nih teinak tiangin votes an hmuh khawh zumh umlo, mee palhmi an khomh suat zongah an hmuhmi nih teinak le nawl ngeihnak chuh khawh tizng dirhmun a phakpi kho hna lailo, thlitu lak voihvoih he an i lo te ko lai. Ralkap nih nawlngeihnak chuh khawh si tiah an i tlaihmi a liamcia kum i an rak tuahmi kha tutan ahhin hman ve an i timh cun loh si lai, thih lai kecheih an lo ve te lai. Credit: TTPN

Relchih:Kawl Ralkap le Ruah Chuk Cho. 2020 Kawrlam thimnak ah NLD party nih ceicikcek, landslide in teinak an co nain ralkap nih vote petu min cazin a dik lo ruangah UEC, Hluttaw le Cozah nih fianternak nan tuah lo ahcun nawlngeinak aana kan ting lai lo” tiah chim khawh a si lo” tiah Major General Zaw Min Tun nih tuzing Press Conference ah a chim. 2015 election lio ah Union Election Commission General Tin Aye nih thimfung thlatu minung cazin 100% chungah 30% lawng a dik kho tiah amah kan khan” tiah a rak chim bal.

Mah lio zongah ralkap nih thimfung cazin chek le chek lo a rak um bal lo. Election ruangah lungtlin lonak a ummi kongah UEC nih biachahnak an tuahmi kha a dih donghnak a si. Mah cu UEC phung zong a si. 2010 thimnak lio ah USDP nih a hlankan thimfung in teinak an co. Thimfung an rel i, adang party nih an tei sual ahcun a hlankan thimfung buri tom in an rak chuahpi i teinak an rak coter. Mah lio zongah ralkap nih zeibia hmanh an rak chim lo.

NLD party nih 1990 thimnak, 2012 By election, 2015 kum thimnak le 2020 thimnak ah landslide, teicikcek in a tei bal cang caah 2020 teinak zong voting fraudd um lo in a tei khawh tukmi a si. NLD party nih 2016 in cozah an tlaih. 2008 phunghram tangah temttawnnak phung tampi lak ah rian an tuan. A tuah khawh lomi tampi a um. An tlamtlinh khawh lomi tampi a um nain, ralkap cozah le USDP cozah nak in ngamdamnak, fimthiamnak, lam le sul ah thanchonak a tampi a um, eihmuar ziknawh ah ram pumpi huat in a zor lei a pamh timi cu al awk a tha lomi a si.

Ralkap nih thimfung cazin 4 million hrawng a palhmi a um an timi ah hin 4 million nih thimfung va pe hna sehlaw zei party dah thimfung an pek timi zong tet-te chuahpi a hau. USDP chan ah NLD nih pohmah 436 remhnak dingah mipi minthut mi 4 milion kha teh zeitin nan tuah ve lai? timi ralkap sin ah biahalnak tuah phu a si ve hnga.Ralkap cozah nih 2008 phunghrampi cu Kawlram mipi 92% nih an cohlan mi a si an ti nain 2012 by election, 2015 le 2020 thimnak a teitu NLD cu mipi nih phunghrampi thlen an duh caah thimfung an pekmi hna a si.

Cucaah ralkap nih 2008 phunghrampi mipi 92% nih an cohlan timi zong hi lih le firkhut lawngte a si ko lo maw? Ralkap nih anmah rian a simi ramri congh le rampi humhimnak tuan loin an rian a si lomi politics i an i thelh caah kan ram caah hmunthur an si. Zei thil pao hi anmah le an umnak hmun ah a um lomi poah cu hmunthur an si. USDP nih thimnak ah teinak rak co hna sehlaw atu bantuk in thimfung min cazin kongah buainak a chuapi hrimhrim lai lo. An duhmi party a sungh caah atu bantuk anaa kan ting lai lo tiah kan chim kho lo” an timi hi mipi zei rel lo, thimfung thlatu zei rel lo le mipi thlanglamh a si tiah ka ruah ko. Credit: Salai Lairamthang

Be the first to comment

Leave a Reply

Your email address will not be published.


*