A TTHATUK DONALD TRUMP CAAH RUAHCHANNAK NGANPI A UM HIH

US President thimnak cu ho nih a tei tiah official ngaingain in an thanh kho rih lo. CNN nih Biden electoral vote 253 a hmuh i, Trump nih 213 a hmuh tiah a tial. Fox news nih cun Biden nih 264 a hmuh i, Trump nih 213 a hmuh tiah a tial ve. Trump nih Pennsylvenia, North Carolina, Georgia, Alaska a laak ahcun 268 a si lai.

Nevada hi atu lio ahcun a biapi ngaingai mi a si. Nevada ah Biden tlawmte in a thawng deuh. Biden nih Nevada a laak ahcun 270 bak te a ngah lai i, teinak a co lai. A ngah lo ahcun Trump nih tei khawh thiamthiam a si. President Trump nih cun hmun tampi ah Democrats pawl nih vote firnak le lih le hrokhrawlnak tampi an tuahmi hmuh khawh a si tiah a chim.

Phungning tein thlakmi thimfung in cun teinak kan hmuh khawh ko” a ti. “Thimfung relnak hmun ah thil dik lo tampi a um caah Supreme court biachahnak a hau te lai” tiah tu zanlei White House Press conference ah a chim. Senate thimnak ahcun atu ning in cun Republican nih 52 hmuh dawh an si i, Democrats nih 48 hmuh dawh an si caah Senate cu Republican party nih control dawh a si.

Senate ah hin thutdan 100 a um i, thutdan 51 a hmumi nih teinak an co lai. House thimnak ah Democrats pawl nih tei dawh a si nain an thutdan 8 cu Republican nih an laak piak cang hna. Atu tiang result a chuak cangmi ah Democrats nih thutdan 208 an ngah i, Republican nih thutdan 192 a ngah lio a si. Thutdan 218 a hmu khomi party nih house ah majority an si te lai. Credit: Salai Lairamthang.

US president thimtu hna cu minung 538 lawng an si. Hi 538 i vote hi hlenthawi le lih in tuah khawh ding ci an si lai loh. A vote tu nih aho ka vote ti fiang tein an theih ko. Cun State pakhat ah President thimtu electors hna hi mi tlawm taktak te an si. PA, NC le GA hna ah hin Biden nih vote zei maw zat a hmuh cia ve cang. Mah caah hin Zei ti hmanh in Trump nih a tei kho ti lo hrim.

Vote a dik lo ee remh than hau ee cu ee kha ti dah lo cu. Trump hi dai tein a power a thlah siang te lai maw? Ti ruah awk a um. Senate hi R nih an lak than ko lai tiah ruah chanh asi. Thutdan (4) lawng ai duh, tu tiang i Foxnews data ah hin cun an i tluk bak. Penalty an i sut ding lawng a tang. Ziah an rau ko ee? Cu hlan President thimnak poh cu Nov 3 zan bak ah an fianh tawn.

Tutan cu Covid19 ruang ah – absentee ballots timi catlap in vote thlak khawhnak kha mi tampi nih an hman. Mah hi Mail-in vote pawl hi USPS in cabawm in kuat asi tik ah duh tluk in hma a kal lo. House cu Democratic Party nih a lak than rih ko. Zei si khom, US ramkhel pi ai thleng than ne lai, hi hnu kum 2 hrawng ah khin a chiat that, kan vun teh thluahmah te ko lai hih. Jeff Bezos nih Amazon Stock Billion 10 man a zuar cawlh. President thlen khawh ka hrawng ah hin Stock market hi a hnursuan pah lengmang ko. Trump a kai ka belte ah khan stock market kha van ah a rak kai cawlh. Credit: Salai Biak.

Be the first to comment

Leave a Reply

Your email address will not be published.


*