A TTAWK TTHA MI CAAH THAWNGPANG CHIA NGAINGAI SI CANG AI

A ttawk ttha tukmi hna caah thawngpang chia ngaingai pakhat a chuak cang. A ttawk ttha mi hna hi rak uar in rak duh ding an si lo timi cu tutan ah hin a hung lang cang. Laimi tthenkhat zapi pa pawl cu Nu a ttawk attha mi hi kan uar ngaingai hna. Laimi lawng siloin vawlei cung mikip nih an uar cio mi zong a si. Ttawk tthat ruangah a minthang mi tampi an um hna. Asinain tutan ah dottletnak an tuami hi vun zoh cio tuah uh.

Amak ngaingai mi thil asi. A ttawk attha tukmi hna hi hnuk cancer ngeih afawi tiah an phuan ko cang. Dottletnak zong biatak tein an tuahmi a si. India ramchung ah a ttawk attha mi hna cu cancer zawtnak an ngei khun tiah an langhter. Dottletnak an tuahmi chungah an hmuh chuah mi cu Nu a ttawk a tthatuk mi hna hi Hnuk cancer an ngei khun tiah an langhter.

Hi konghe pehtlaiin cancer zawtnak angeimi zohkhanhnak hmunpi Mubai i, Tta Memorial Hospital thiamsang hna nih dottletnak an tuahmi cu mipi theih dingin an langhter. Hi sizung hi cancer zawtnak kongah minthang ngaingai mi asi. Hi thil dottletnak an tuahmi ah an hmuhchuah mi cu Central obesity- waist- to-hip ratio atammi a fawinak cun ttawkttha tukmi le atai maw asi loah attawk aa thlautukmi tinak khi a sawhduh.

Hi hna pawl ah hin hnuk cancer zawtnak ngeih khawhnak a fawite te i, Nu pawl an ttawk vun tah i, 80cm nak in a nganmi hna caah cun hnuk cancer zawtnak hi a ttawk ahmemi nak in alet thum in ngeih a fawi deuh tiah an phuan. Hnuk cancer hi a phun tampi a um ko. Tthenkhat cu hormone oestrogen ruangah an si.

Hi bantuk minung hna cu an kum upat hnu ah fa angei deuhmi cungah ngeih a fawi khun, Cuticun an umnak hmun le hma hoih zong nih angeih khawh i a ruang bik tampi aa fonh kawmh dih. Zeipaoh sisehlaw dottletnak kan tuahmi ahcun central obesity nih hin Hnuk cancer a phunphun risk hi a santer timi a fianter i, thichuah hnu maw asi loah thichuah hnu zongah aa hlei lo tiah Tata Memorial Hospital i department of epidemiology ah hruaitu lutlai a simi le dottletnak atuahtu zong asimi Dr Rajesh Dikshit nih a chim.

Hi dottletnak tuahmi thawngin BMI timi Body Mass Index zong india Nu pawl chungah Hnuk Cancer risk a hmuhsaktu a si tiah a chim chih. Cun BMI aa khat mi zongah India cu Caucasians timi ( European, Vunrang pawl) nak in a rit deuh mi kan si hna i, cu ruangah Nu pawl chungah BMI normal sihmanhseh a ttawkttha mi hna nih hin hnuk cancer ngeihkhawhnak asang deuh tiah a chim chih.

Khuapi chungah a ummi kan tam deuhdeuh hna i, hihi nih hin Hnuk cancer zawtnak ngeihkhawhnak asanter deuh. India ah hin khuate minung nak in khuapi ah a ummi Nu pawl hna hi Hnuk cancer an ngeimi an tam deuh tiah a chim chih. Hi konghe pehtlaiin Hnuk cancer lei ah thiamsang asimi Dr Vinay Deshmane nih atanglei bangin a chim ve.

Indian Cancer Society cancer register in alangh ning ahcun Mumbai i, Nu 26 chungah pakhat paoh hi kum 75 an si hlan ah Hnuk cancer ngeih khawhnak risk an ngei timi hi alanghter i, Obesity timi luantuk in athaumi hna nih Hnuk cancer ngeihnak asanter timi hi fianhnak atam ngaingai ko. Asinain Obesity le Hnuk cancer aa pehtlaihning taktak hi theih khawh asi lo. Zumhning ahcun obesity nih hin oestrogenic influence a kaiter i a si lai tiah a chim. Mah dottletnak an tuahmi hi European Journal of Cancer ah an chuahmi asi.

Be the first to comment

Leave a Reply

Your email address will not be published.


*