A Pa Leiba Cham Khawh Lo Ruangah (MAL) Le Kawl Ralkap Nih Ralkap Ah A Duh Lo Bu In An Luhter.

Tlangcung hriamtlai phu lak ah pakhat a si ve mi TNLA hriamtlai nih Mifir pa Min Aung Hlaing ralkap an tlaihmi pa cu TNLA lei nih a miy an huh i ningcang tein biahal nak an tuah. Zeiruangah dah Kawl ralkap rian na tuan? zei bantuk rank dah na tlaih i, khuazei ah dah a um mi na si. Na Nu le Pa teh zei rian t’uan mi dah an si tiah bia tampi an hal hnu ah a sining cu an zaangfak i kan in thlah lai tiah an leh.

Hi kawl ralkap pa nih a chim mi min hi Mr.Tah Min Aung ka si,kum 25 ka si tiah a chim ralkap a tuan hmun le number vialte a chim dih hnu ah a chim mi cu kei mah cun hmatpungtin zong ka nei ti lo, kawl ralkap rian tuan ah kei mah duh thimnak le lung tlin nak tein a tuan mi a si lo,ka pa a dam lo lio ah kawl ralkap nih a rak ra i na pa nih phaisa ting 3 a kan bat caah na pa phaisa bat mi ai ah ralkap rian tuan maw na thim lai na pa leiba pek cawlh dah na thim lai tiah an rak ka hrocer.

Cu tik ah zei hmanh pek awk phaisa kan neih lo ruangah kawl ralkap rian hi a t’uan mi ka si.ka pamin ah U Kyaw Oo a si i ka Nu min ah Daw Tan hna an si.ka chungkhar nun nak chanh nak le humhim nak caah kum 17 ka si lio in Kawl ralkap rian t’uan ah cun ka pa leiba ai ah a t’uan mi ka si i a tu cu kum 25 ka tling cang.ralkap ka t’uan hnu ah lahkhah hi ting khat le kul a si na in thong 9,8000 tluk lawng lahkhah an ka pek.

TNLA nih bia a hal dih hnu ah an chim mi cu na thinphang hlah kan mah nih cun zei hmanh harsatnak
kan in pe lai lo.kan in thlah lai.na cungah hrem nak le dantat nak zei hmanh kan in pe lai lo. kan in tlaih nak a ruang cu na theih dih ko,nang mah hi thah kan in duh ruangah a si lo caah kan in thlah lai.cun,kan in thlah hnu ah Kawl ralkap rian hrimhrim na t’uan ti lai lo tiah biakamnak an tuah ter i,Kawl ralkap an tlaih mi pa nih cun a si a hman zei tik hmanh ah Kawl ralkap rian cu ka t’uan hrimhrim ti lai lo Mansuh ah ka kal cang lai tiah biakam nak a tuah video rak ngai chih.

http://www.worldnewsforchin.com/wp-content/uploads/2021/03/10000000_889462644956424_6019363949735383096_n.mp4?_=1

RFA BURMESE

Be the first to comment

Leave a Reply

Your email address will not be published.


*