A HMANTUK HRINGHRAN, SHARE CIO USIH THEIH APHU TAKTAK MI A SI

Share Cio uh a hmantuk mi a si. Salai Ngun San Aung nih a chimmi cu, CDF ralkap hi nan fale kan si pek nan naule kan si pek nan hawile kan si pek na DL kan si pek ah khoika na um? Khoika in na rat? Khoika na kal lai ti kan hal lengmang hlah uh. Voi tamtuk ka chim cang! Nan hngalh a herhmi cu kan in chimh ko hna lai. Kan umnak kan kalnak kan ratnak nan hngalh cu zeiah nan i tuah lai?

Nan him maw nan dam maw ti a za ko. Cun mi cheukhat cu nan duh tik paoh nan i manh tik paoh, nan zurit lung hna in messenger hna in mi call nan hmang. Nan kan siaherh nan kan ruah ruangah si kan ilawm ko .Asinain a caan ah kha kha kan caah harnak a si kho. Ralrin zia thiam hna usih! tiah Salai Ngun San Aung nih a chim.

Fighters of Chin State Are No Strangers to Hardship, Repression in Myanmar  — Radio Free Asia

Thawngpang dang. Sau a rau lai lo, 2023 August thla tiang lawng nawlngeihnak kan tlaih lai, tiah Zaw Min Tun nih chim. August 27, Nawlngeihnak hi kan i hum peng in kan tlai peng lai lo, 2023 August thla tiang a si ko lai, tiah SAC Chimphuannak Nawlngeitu Zaw Min Tun nih a chim.Vawleipi in sawm mi upa hna he Media thawngfianhnak an tuah mi ah Zaw Min Tun nih atu bantuk in a chim hi a si.

I, Innhngak Cozah (Caretaker) min hmang in nawlngeihnak hi caan sau kan la in kan tlai lai lo, tiah a chim. SAC le Caretaker Cozah nih 2023 August thla hlan ah thimnak kan tuah lai i teinak a hmu mi party sin ah nawlngeihnak cu kan chanh te lai, tiah Zaw Min Tun nih cun a chim, tiah Popular Journal nih a langhter. Credit: The Hakha Times.

Be the first to comment

Leave a Reply

Your email address will not be published.


*