A CHIMMI VIALTE ATLING DIH, US CU A RAWK TAKTAK KO LAI MAW? VUN ZOH TUAH

Tutan US president thimnak konghe pehtlaiin aliamcia June thla hramthok ah kan Chin or Mizo nu pakhat nih a chimning ahman ko asi ahcun buainak taktak a chuak te ko lai. US thimnak konghe pehtlaiin prophet T. Lal Hma Chuan (Mimi) nih a chimmi tutiang US thimnak konghe pehtlaiin a vun i khat ngaingai. Buainak thawngpang tete theih dingmi atam ngaingai.

Prophet Mimi nih aliamcia June thla hramthok ah khan Pathian nih thil sining aka chimh cang tiah a chim. Mimi nih a chimmi cu Pathian nih vawlei cung ramtthawng asimi US rawhnak kong a ka hmuhsak tiah a chim. US cu Pathian duhlo ning in an um tuk ruang or Pathian hnulei an chittuk ruangah Pathian cu athinhung tuk tiah Mimi nih cun a chim.

Hi konghe apeh rihmi cu a ra laimi November US thimnak ah a um dingmi ah hin khuakhan lairelnak cu ai thleng lai i, US ram cu buainak in a khat chin lengmang lai tiah a chim. Hi thil hna cu vawleipi caah thlalang asi lai. Pathian ruangah cawisanmi ropui asimi hna zong Pathian hnu an chit ahcun tthumh le mualpho an si tthan ko timi hmuhsaknak le a hnubik Bible bia atlinnak ding asi tiah a chim.

Tutan US President thimnak result cu theihcio bangin a vun buai ngaingai. Prophet Mimi nih a chim bantuk in US hruainak or khuakhan lairelnak cu aithleng taktak cang, Joe Biden nih atei cang tiah Congress nih fehternak an tuah. Asinain Joe Biden cu president ttuan dingah luhnak caan aphan rih lo, January ni 20 ah biakamnak he luhnak an tuah te lai. Prophet Mimi nih a chimmi hi tutiang ahcun ahman dih.

Acunglei ah Prophet Mimi nih a chimmi tutiang ah atlin bantuk in January ni 20 hlan ah buainak pakhat hmanh a um lo asi ahcun Joe Biden nih atling lai timi fiangtein theih khawh asi. Cuti asi tikah Prophet Mimi nih a chimmi hi ataktak in atutiang ahman bantuk adongh tiang ahman ko asi ahcun US pi cu a rawk ko lai lo maw? Zeibantuk thil dah acang lai timi hi thinphang ngaingai asi ko.

Be the first to comment

Leave a Reply

Your email address will not be published.


*