Myaing le Mataya peng ah umhmun khuarmi ralhrang an kah hna ralhrang minung 13 an thi. Magway ramthen, Myaing peng, Tazeihkhuah khua phungki sianginn ah um hmun kharmi ralhrang hna cu an kah hna i minung 11 an thi.
May Ni 17 ah Myaing peng, tazeihkhuah khua, phungki sianginn ah ralhrang hna cu umhmun an khuar hna. Mipi ralkap hna nih an kah hna i, ralhrang 9 le Pyosawhtee pahnih an thi tiah theih a si.
Cun Mandalay ramthen, Mataza peng, Muaikyikone khua lei a panhmi ralhrang hna cu kahdoh an tong tthan i minung pahnih an thi tiah thanhnak an tuah. May ni 17 suimilam 12 ah ralhrang minung 50 hrawng cu khua lei panh in an ra than.Minute 45 chung i kahdohnak ah ralhrang minung pahnih an thi i, ralhrang pawl cu nizan zong kha khuachung ah umhmun an khuar tiah theih a si.
Relchap.Rambuai Hnuah SAC Nih NLD MP Hna Cu Sii Lei Zohkhenhnak An Phih Hna Caah Minung 16 Nunnak Liam. Ralkap nih uknak an laak hnuah NLD party MP hna cu SAC nih tlaih ding in a dawi hna i a himnak ah a ummi hna chung in minung 14 le an tlaih i thong an thlakmi hna chung in minung 2 hna cu sii lei tlamtling in an i thlop kho lo caah minung 16 an nunnak a liam tiah CRPH nih May 19 ah cathanh a chuah.
Thonginn chung ah a nunnak a liammi hna hi Okphu peng i Bagu ramthen MP U Maung Myint le Bilin peng i Mon Ramkulh Hluttaw palai U Kyaw Myo Min an si. Hi hna pahnih hi thonginn chung ah sii lei zohkhenhnak nawl an phih hna ruang ah nunnak a liammi an si.
A dang minung 14 hi cu Pyidaungsu Hluttaw Palai minung 5, ramthen le ramkulh Hluttaw Palai minung 9 an si i an zaamnak hmun ah an nunnak a liam tiah theih a si. Ralkap nih uknak a laak hnuah NLD MP 129 cu an tlaih hna i hi chung ah an thlah than mi zong an um.
Atu hi thonginn chung ah MP 88 an taang rih. Cun, Pyidaungsu Hluttaw Palai a si mi U Yemon, U Lwin Ko Lat, Daw Zin Mar Aung le Daw Phyophyo Tin hna cu SAC ralkap nih rammi sinak on a hnawh hna tiah theih a si.
Leave a Reply