ZOHCHIA IN MIN AUNG HLAING AN TUAH CANG I CEI SEH,

Kawlralkap cozah caah cun thawngpang chia ngaingai a si cang. Kawlralkap cozah nih thimnak konghe pehtlaiin UEC hruaitu thar an thimmi hna nih meeting tuah an timhmi cungah Party ngan a simi tthenkhat hna nih kan i tel lai lo tiah an langhter. Kawlralkap cozah nih an thimmi tharmi UEC hna nih a ralaimi thaizing kiptuh ah ramchung party kip meeting ngeih ding an ti hna.

Sihmanhsehlaw UEC thar nih an auhmi meeting ah party ngan asimi hna cu kan i tel lai lo tiah fiang ko in an langhter. Union Election Commisiion thar nih February ni 26 ah party kip hna he meeting tuah a si lai tiah timhtuahnak an ngei. Asinain party ngan asimi tthenkhat hna nih kan i tel lai lo tiah thanhnak an tuah. Nain tthenkhat nih cun kan i tel lai tiah an ti ve.

Hi meeting ah i tel dingin party kip hna cu ralkap cozah nih an dirhmi UEC nih sawmnak an tuah dih hna. Hi sawmnak konghe pehtlaiin party kip lutlai hna nih an ruahning or an hmuhning an chim cio hna. Cu chungah pakhat le pakhat party an ruahnak ai dang cio hna. Hi meeting sawmnak kongah NLD nih fiangko in thanhnak an tuah cang. Cu an thanhmi atanglei bangin a si.

February ni 22 ah NLD nawlngeitu hna nih thawngzamhtu hna cu an auh hna i, thil sining an chimh hna. An timi cu ralkap cozah tangah a ummi UEC nih meeting an auhmi le sawmnak an tuahmi ah hin kannih NLD cu kan i tel lai lo tiah an langhter. Culawng siloin Shan Party SNLD zong nih ralkap cozah thimmi UEC he biaruahnak kan ngei lai lo i, kan i tel lai lo tiah an thanh ve cang.

Asinain Kachin State People’s Party KSPP nih an chim vemi cu tulio thawngpang umtuning theihkhawhnak dingah tutan meeting ah hin kan kal lai tiah an chim. Hi konghe pehtlaiin ralkap nih an chimmi cu kumkhat chungah thimnak hi kan tuah tthan lai tiah an rak chim. Hi chirhchan in a ralaimi thaizing kiptuk February ni 266 ah hin ramchung party kip hna tonnak ngeih dingin an timh caah tutan zong hi mah konglam cu asi ko lai tiah an chim.

CNLD General Secretary Salai Ceu Bik Thawng nih a chimmi cu sawmnak ca cu kan hmuh ko cang, Asinain kan i tel ding le tello ding kong kan ceihkhang rih lo tiah a chim. UEC ah register party hna nih hin party dirhpeng or nunter peng asi khawhnak ding an duh asi ahcun hi tonbiaruahnak meeting ah hin an i tel ahau tiah kei nih cun ka hmuhning asi tiah a chim chih.

Be the first to comment

Leave a Reply

Your email address will not be published.


*