ZEI SUALNAK NGEI LO, RALHRANG NIH MINUNG PAHNIH AN THAH TTHAN

Kachin ram Nanmati peng ah zei sualnak pakhat zong angei lomi lam I a chawk ko mi khuami mi cu ralhrang kawlralkap nih an kah. Hi konghe pehtlaiin thanhnak an tuah mi cu Nizan May thla ni 10 zanlei ah Kachin ram Nanmati peng ah zei sualnak pakhat hmanh a ngei lomi lam I a chawk ko mi khuami mi pakhat cu ralkap nih an kah caah a thi tiah theih asi.

Teen Shot Dead as Troops Use Violence to Quell Myanmar Protesters — Radio  Free Asia

Cu lawng siloin Nizan zan nazi 9 hrawng zong ah cycle a cit mi mino pawl cu an kah hoi hna i pakhat cu a thi colh. Hliamhma a pu len mi zong an um. A thi mi cu kum 23 mino te a si. A nunnak a liammi konghe pehtlaiin an langhter tthan rih mi cu a thimi hi Amin le a dang a chungle kong zong theih a si rih lo tiah thawngzamh nak nih an langhter chih.

Myanmar protesters shot dead as army deploys unit linked to atrocities |  Financial Times

Cun khuami lila nih an chim tthan rih mi cu Nizan i Hliamhma a pumi mino pawl zong a tu hi an zam hna i, Zeitin sii an I thlop la ti zong kan theih kho rih hna loh tiah khuami pakhat nih Yangon Khat Tit media ah thawngzamh nak ah thawngpang a pek. A thimi mino cu Myitkyina mi La Kyu Kya Gon a si tiah The 74 media thawngzamh nak nih cun a langhter ve.

In Pictures: Myanmar military seizes power | Gallery News | Al Jazeera

Thawngpang Dang: Alawbon tlang tang Doh Phung Yan khua pawng ah ralkap le KIA an kap. May ni 10 ah Alawbon tlang tang Doh Phung Yan khua pawng ah ralkap lei mawtaw cu KIA nih chun hnu hrawng ah an kah tiah theih asi. Doh Phung Yan le Nuam Lanh karlak ah a um mi Luai Jaw Bon ah ralkap a phur mi Taluk ram sermi ke 12 nei mawtaw cu KIA nih voi 3 leng bomb in an kah.

KIA nih a tubantuk in bomb in an kah hna caah ralkap lei hliamhma a pu mi le a thi mi an tam tiah theih asi. An mawtaw cu a sawp dih. Ralkap lei minung 10 lengkai an thi.Hi konghe pehtlaiin pawngkam a ummi khuami nih an chim mi cu KIA nih An kah hna nak hmun ah cun thi lawng te a dil ko tiah khuami pakhat nih a chim.

Bomb an puah nak zawn ah cun Ralhrang kawlralkap le KIA cu nazi cheu hrawng fak tuk in an kap tiah khuami hna sin in theih asi. KIA sakhan umnak Alawbon cu lak than ding in ralkap lei nih timhtuah nak an ngei. Nizan zanlei tiang ah khuachung ah ralkap mawtaw 41 le ralkap 600 leng an lut. Hriamnam a phurmi mawtaw hi 4 asi tiah khuami pakhat nih a chim. KTM

Be the first to comment

Leave a Reply

Your email address will not be published.


*