ZAHAN ZAN SALAI BIACHIM CU MINUNG PATHUM MIN BAK ALANGHTER KO

Salai Lung Thli Tum nih Party in kan kal a si ahcun kan ram a rawk lai tiah a chim. Salai Lung Thli Tum thimnak konghe pehtlaiin ramvah ai thok cang. Zahan zan kha Tlangrua ah khuami hna he biaruahnak an ngei. Zahan zan biaruahnak an ngeih lio cu video in an rak langhter i, minung tampi nih kan umnak hmun in kan rak hmuh cio ve.

Salai Lungthli Tum nih a chimmi tampi cu hlawnh awk attha lomi le ahman taktak mi lawngte an si. Asinain mah bia zawn ahcun ruah dingmi thiltam pi a um. Zeicaah tiah Salai Lungthlitum hi tuan deuh ahcun kan theih dih cio bangin NLD a dirkamh ngaingai mi asi. Asinain tutan a biachim ahcun NLD a dirkamh ti lo timi theih le hmuh khawh asi.

Zahan zan ah a chimmi cu Lai Party cu kan dirpi in kan ttanh bak ding asi. Laimi nih Lai Party kan dirpi lo ahcun Kawl mi hna nih cun Lai party cu an dirkamh bal lai lo. Asinain a minung hi kan zoh hna dingmi asi. Lai party chungah minung dingdel ram a dawmi an um. Cu hna cu kan dirpi ve hna ding asi ko. Tutan ah hin a party in kan zoh hna dingmi asi lo.

Party hoih in kan kal a si ahcun kan ram hi a rawk lai tiah a chim chih. Salai Lungthlitum nih minthlur in dirpi ding bak le ram a daw bak mi tiah a chimmi hna cu Pu David Ngaisak le Salai Van Bawi Lian. Cun Matupi in Aung Lian hna hi an si. An nih hi mipi zawnrauhnak he aa pumpe bak mi an si caah dirpi ding an si ko.

Miphun a daw taktak mi le mipi zawn a ruat taktak mi hna cu kan dirpi hna awk a si ko tiah a chim.Zahanzan a biachimmi tampi chungah abiapi ngai tiah ka ruahmi ka vun charmi a si. By, Kawithawng. Salai Lung THli Tum cu tutan thimnak ah Independent in zuamnak a lut dingmi a si i, atu hi a cunglei kan langhter cang bangin khuakip ah ram vaih in a chuah cuahmah lio asi cang.

Be the first to comment

Leave a Reply

Your email address will not be published.


*