YANGON IN AA THAWHMI KHUALTLAWNG PAKHAT MOTOR CHUNGAH ATHI

Yangon-Tatuai Coach Load Cung Ah A Cit Ve Mi Khualtlawng Pakhat Ruahlopin A Nunnak Liam I An Zohfel Tikah Covid Zawtnak An Hmuh.Yangon in Tantuai lei ah akal mi khualtlawng phur mawtaw cungah a cit vemi kum(60) hrawng pakhat cu ruahlopin lungfim lo in a um i a nunnak a liam,Kun sii-inn ah an zohfel tikah Covid zawtnak hmuh a si tiah thawngtheih a si.

May be an image of one or more people and people standing

July 11 zaan mawtaw in Yangon in Tantuai lei ah a kalmi khualtlawnnak ah kum(60) hrawng mi pa pakhat cu mawtaw cungah a nunnak a liam i,Covid 19 zawtnak an zohfel tikah a thimi hi Covid 19 zawtnak hmuh a si tiah Kun peng ngandamnak zung nih an thanh.Hi thil a can ruangah mawtaw cungah a tel mi poh khualtlawng hna cu Covid an ngeih le ngeih lo zohfel an si lai tiah theih a si. TCP

May be an image of tree and outdoors

Thawngpang dang: Lungrawk taktak si ko cang, Kawlralkap ralhrang pawl ziaza cu aipuang taktak a si.Mipi pei thah dih aa kan timh ko hi.. Yangon Oxygen sehzung pawl hna cu ralhrang kawlralkap hna nih mipi sin ah oxygen nan pe hna lai lo tiah thanhnak an tuah hna. Oxygen cu anmah ralhrang kawlralkap dirhmi covid center lawngah nan kuat hmasa lai tiah ralhrang kawlralkap hna nih an ti hna.

Hi konghe pehtlaiin Shwe Pita Oxygen sehzung nih mipi sin ah oxygen kan pe kho tilo, ralhrang kawlralkap dirpimi Phawngkyi le Inya covid center ah pek hmasa a hau tiah mipi sinah theihternak an tuah hna i, an zung hmai ah ca an taar. Hi bantukin kan tuahnak hi kanmah duhnak siloin ralhrang kawlralkap lei nih nawl an chuahmi asi tiah an langhter.

Hi kongah Dagon Myothit i, Oxygen sehzung ah rian a ttuanmi pakhat nih a chimmi cu kan sehzung ah sang khuabawi le ralhrang kawlralkap pawl an rak ra i, Oxygen cu mipi sawhsawh sin ah nan pe ti hna lai lo. Ralkap dirpi mi covid center ah nan pek hmasa lai tiah an rak chim, Alenglei mipi hna cu oxygen pe hna hlah uh, center ah oxygen a harhmi an tamtuk tiah an ti tiah a chim.

Zawtnak tlangrai nih Yangon zong biatak tein atlunh cuahmah hna, sizung le sibawi an um lo ruangah mah le inn ah i zohkhanhmi an tam hna. Cubantuk pawl nih oxygen hi an herh ngaingai hna. Asinain a tu ahcun oxygen sehzung tthenkhat hna cu ralhrang kawlralkap nih an kham hna i, anmah dirpi mi covid center lawngah pek ding an ti hna.

Be the first to comment

Leave a Reply

Your email address will not be published.


*