WHITE HOUSE HI TRUMP NIH ZEITINDAH A CHUAHTAAK LAI?

Donald Trump nih zeitindah White House a chuahtak Lai? President attuan lio mi hna nih President thimnak ah atlingmi hna cu January 20 inauguration hlan ah White House ah an sawm hna i, lakphak dinttinak caan siseh biaruahnak caan le thil sining vialte an i chim ruah tawnnak i, cuticun caan an hmang tawn. Tutan tu cu President Trump nih vote dik lo aum ruangah Joe Biden cu phone zong achawn duh lo ti asi.

Sihmanhsehlaw hi konghe pehtlaiin AP News nih alanghter ning ahcun Joe Biden hi Donald Trump nih January ni 19 zan ah lakphakti dinttinak atuah khawh men tiah alanghter. Barack Obama le a nupi hna nih Trump le anupi cu White House ah an rak sawm hna i, US cozah karhlannak vialte an rak chimh dih. Cun George W Bush le a nupi zong nih Obama le a nupi hna cu an rak sawm ve hna. Obama nupi le bang cu an donning kongah alung arak hmuih ngai ti asi.

Joe Biden cu january 20 president sinak pek asi hnu cun akut ah Commander in Chief sinak a um cang lai. President Trump caan cu khini le caan in aliam cang lai. US Politic kongkau ah zeitel thawngpang angei te lai maw timi theih asi lo. Atlangpi in US President tthing hna hi thawngpang an ngei tawn lo. Asinain Barack obama tu cu politic ah aa thlak lengmang ti asi. Biden caah biatak tein campaign atuahmi an si.

Biden nih nawlngeihnak President attuan or alak Ni January 20 hnu ahcun Donald Trump cu White House/Capitol in Airforce One vanlong in a umnak ding hmun ah aa thimmi Palm Beach, Florida state ah akal lai tiah an zumh. Trump cu Joe Biden luhnak ni le caan tel ai tim lo. Cun President aa dinh hnu ah zeidah atuah lai timi zong a chim lo. Aliamcia president hna tuah bangin Library hna atuah khawh men.

Trump cu social media nih an phihkhar caah a caah tangka kawlnak lam hi adongh ngaingai kho ti asi. Tthenkhat le bang nih cun Presidential Executive nawlngeihnak hmangin midang arak ngaihthiam hna bangin a chungkhar siseh amah lila i ngeihthiam or ilungsak dingin thil atuah lai tiah an zumh. Trump nih december thla ah khan minung hleikua angaihthiam hna. Cuchungah National Securitu Adviser tthing asimi Gen. Michael Flyn le Paul Manfort, Jared Kushner hna an i tel.

Relchih:FBI Directo arak simi le Donald Trump nih arian in a chuahmi James Comey nih Trump cu thongthlak ding cu asi bak ko. Asinain Joe Biden nih angaihthiam ding asi tiah a chim. Hi konghe pehtlaiin Senate ah Donald Trump nih sihni angei lai maw? US House nih President Trump cu impeach avoi hnihnak an tuah i, vote 232-197 in Trump cu sualphawt asi. Asinain Senate ah kalpi tthan dingmi asi. Senate ah zeibantuk minung dah Donald Trump caah defense Lawyer ding ah an si lai timi hi afiang rih lo. Thimnak buainak kongah biatak tein rian attuanmi hna cu Capitol buainak achuah caah an rian an i din hna.Biatak tein a dirmi Rudy Guiliani zong timtuah aa tim lo tiah an chim.

Culawng siloin amah hi Donald Trump dirkamhtu hna cungah a biachim holhrel mi ruangah case angei kho mi asi tiah an chim rih. Cupin ah nikhat ah thongkul hrawng lengmang ahman caah dinhter dingin Donald Trump nih timhtuahnak angei tiah media tthenkhat hna nih cun an langhter tthan.January ni 6 i, Save America Rally ah Rudy Guiliani nih Capitol luhhnawh dingin forhfialnak atuah hna i, Trail By Combat timi biaang ahman ti asi. Asinain amah nih atimi ve mi cu ka biahman kha let’s trail by combat ti asi. Kum zabu hrawng i England ah thil acangmi film an tuahmi Game of Throne ah Tyrion Lannister nih achimmi ka lakve mi asi tiah alanghter ve.

Guiliani cu sihni asinak license zong chuh dingin an timh ti asi. Donald Trump dirkamhtu hna nih cun Speaker Nancy pelosi le Sen Chuck Schumer hna cu sual an phawt ngaingai hna. Donald Trump impeach tuahnak ah phungning tein thil aum lo, Judiciary Committee hearing tuah hmasa zong a um lo. Witness auh hmasa zong a um lo. Midang chimmi zong a um lo tiah aphunphun in an langhter. Trump hi thongthlak ai tlak ko, Asinain Biden nih angeihthiam ding asi tiah FBI Director arak simi James Comey nih a chim ve.

January ni 6 i, save america rally tuah hnu, Capitol luhhnawh buainak cu US media kip nih an chimmi ai dang cio hna, Liberal media timi mainstream media chungah The New York Times, The Washington Post, CBS, NBC, ABC, CNN nih cun buainak ser i, hnahnawhnak tuah an ti dih. Asinain The Wall Street Journal, Fox News, Newsmax, The Washington Examiner hna nih cun an chimmi biafang ai dang ve, Capitol kulhnak tiah an ti. CTLRA

Be the first to comment

Leave a Reply

Your email address will not be published.


*